Emili Poités

Emili Poités

Biografia
Naissença	1r junh 1924 Rius de Menerbés
Mòrt	4 de març de 1976  (51 ans) Arquetas
Donadas personalas
Nacionalitat	Francesa

Emili Leon Poités (en francés: Émile Léon Pouytès; Rius de Menerbés, 1r de junh de 1924 ─ Montredon de las Corbièras, 4 de març de 1976) foguèt un vinhairon e sindicalista occitan tuat au moment d’una manifestacion viticòla en 1976.

Biografia

Obsèquis d'Emili Poités a Arquetas lo 6 de març de 1976.

Obsèquis de Joël Le Goff a Tolosa le 9 de març de 1976.

Vinhairon a Arquetas dins las Corbièras, Emili Poités participava al movement de protèsta dels vinhairons de 1976. Lo 4 de març, los vinhairons decidiguèron de far barricada al pont de camin de fèrre de Montredon. L’òrdre de repression venguèt de París, retransmés pel prefècte de region, que lo prefècte d’Aude èra considerat coma favorable als vinhairons. Joël Le Goff, commandant de CRS, foguèt tuat per un tir a distància d’un caçaire, finalament liberat en 1981. Emili Poités, lo tuèron a 400 mètres de la barricada, que sembla qu’agachava sens manifestar. La nòva de sa mòrt arrestèt la protèsta.

L'enterrament d'Emili Poités amassèt mai de 20 000 personas. Marcava la fin de las manifestacions del Comitat d'Accion Viticòla, e cimentava una solidaritat vinhairona que cada annada lo primièr dimenge de març fa omenatge, al Pont de Montredon de las Corbièras, a las doas victimas dels afrontaments.

Emili Poités èra un ancian combatent de la guèrra d'Indochina.

Omenatge

Lo cantaire La Sauze creèt la cançon Montredond:

«

Dos òmes son tombats sul sòl de Montredon Emili èra occitan, Joël èra breton Son mòrts e cresi pas qu’aquò plan importèsse Qu’un siá viticultor e l’autre C.R.S.

»

I a mantuna carrièra que portan son nom en Occitània, sustot a Cavairac, Peiriac de Menerbés, etc..

Veire tanben

Ligams extèrnes

• Aicí e ara. - Annada 03, n° 10, febrièr de 1981
• La fusilhada de Montredon, 40 ans puèi

• Wikidata: Q3588704
• Multimedia: Émile Pouytès