Egor Ligachov

Egor Ligachov

Egor Ligachov (29 de novembre de 1920, Tomsk - 7 de mai de 2021, Moscòu) es un òme politic sovietic puei rus. Vengut sòci dau Partit Comunista en 1944, comencèt son ascension au sen de l'organizacion a partir deis ans 1950. De 1965 a 1983, foguèt premier secretari dau comitat regionau de Tomsk e aguèt un ròtle centrau dins lo desvolopament de la region e de la vila.

Aquò li permetèt d'intrar au Comitat Centrau en 1976 e de'n venir secretari en 1983. De 1985 a 1991, èra vist coma lo numerò dos dau Partit. Politicament, èra inicialament un partisan de la politica de Mikhaïl Gorbachov. Pasmens, après la catastròfa de Chornobil, venguèt un adversari de la perestroïka e de la glasnost. Es alora sovent presentat coma lo cap de l'ala conservatritz dau Partit. Pasmens, aviá una linha pus moderada que consistissiá a assaiar de mantenir lo ròtle dirigent dau Partit dins lo procès de democratizacion dau país. En 1990, se presentèt còntra Gorbachov per venir secretari generau, mai foguèt batut e se retirèt.

Après l'afondrament de l'URSS, jonhèt lo Partit Comunista de la Federacion de Russia e foguèt deputat de 2000 a 2003.

Liames intèrnes

• Gorbachov (Mikhaïl).
• Partit Comunista de l'Union Sovietica.