Dora Rivière

Un article de Wikipèdia, l'enciclopèdia liura.

Dora Rivière (Sant Estève, 13 d'abriu de 1895 - Lo Luc, 21 d'abriu de 1983) es una oftalmologista e una resistenta francesa durant la Segonda Guèrra Mondiala (1939-1945).

Nascuda dins una familha originària dau Chambon, èra la filha de George-Henri Rivière, proprietari d'una companhiá de transpòrt, e de Catherine Reynard. S'orientèt vèrs d'estudis de medecina e venguèt especialista en oftalmologia en 1921. Après un viatge en Polonha de 1921 a 1923, se maridèt e aguèt dos enfants avans de divorciar.

Durant la Segonda Guèrra Mondiala, s'engatjèt dins la Resisténcia e participèt a l'evacuacion de personas menaçadas per leis autoritats. Ajudèt tanben a escondre de familhas dins de bastidas de Naut Léger. Denonciada, foguèt arrestada lo 6 d'octòbre de 1943 per l'armada alemanda. Foguèt deportada a Ravensbrück lo 3 de febrier de 1944 onte demorèt fins a sa liberacion lo 9 d'abriu de 1945.

Après la guèrra, venguèt adjoncha dau premier cònsol de Sant Estève e foguèt cargada de la direccion deis afaires sociaus. Se retirèt en Provença en 1972. Recebèt lo títol de Just entre lei Nacions lo 6 de febrier de 2011. Aviá pereu recebut la crotz dau combatent e de la medalha de la deportacion e de l'internament per fachs de resisténcia.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]