Comitat Economic e Social Europèu

Un article de Wikipèdia, l'enciclopèdia liura.
Salta a la navegació Salta a la cerca

Lo Comitat Economic e Social Europèu (CESE) es l'assemblada consultativa dels partenaris economics e socials europèus.

Le CESE foguèt establit per permetre a totes los actors economics de se far entendre (mejans d'avís formals) de la Commission, del Conselh e del Parlament, e de participar atal al processus decisional de l'Union.

Los avís donats pel CESE son publicats al Jornal Oficial de l'Union Europèa e son al nombre de 170 per an en mejana[1].

Originas[modificar | modificar la font]

Es una institucion europèa creada pel Tractat de Roma (1957) per associar los divèrses grops d'interesses economics e socials a la realizacion del Mercat comun e de lor balhar un instrument institucional per far conéisser a la Comission e al Conselh de l'Union Europèa lors vejaires sus totas las questions d'interès comunautari.

L'Acte Unic Europèu (1986), le Tractat de Maastricht (1992), lo Tractat d'Amsterdam (1997) e lo Tractat de Niça (2001) confortèron lo CESE dins sas foncions. Lo Tractat de Maastricht espandiguèt fòrça las atribucions del Comitat. Lo Tractat de Lisbona confirmèt lo seu ròtle e atribucions.

Son influéncia s'espandís ara a de questions coma la politica sociala, la coesion economica e sociala, l'environament, l'educacion, la santat, la proteccion dels consomators, l'industria, los malhums transeuropèus, la taxacion indirècta e los fons estructurals.

Composicion[modificar | modificar la font]

Lo comitat es compausat de 350 membres (titulats conselhièrs) eissits dels mejans socioeconomics d'Euròpa. Prepausat pels govèrns nacionals, son nomenats a títol personal pel Conselh de l'Union Europèa per un periòd de 5 ans renovelable e agissent en tota independéncia politica, segon la reparticion segenta:

Nombre de membres
Estats
24
Bandièra: AlemanhaAlemanha Bandièra de França França Bandièra d'Itàlia Itàlia Bandièra: Reialme UnitReialme Unit
21
Bandièra d'Espanha Espanha Bandièra: PolonhaPolonha
15
Bandièra: RomaniaRomania
12
Bandièra de Belgica Belgica Bandièra: BulgariaBulgaria Bandièra: GrèciaGrècia Bandièra: Païses BassesPaïses BassesBandièra: ÀustriaÀustria Bandièra: PortugalPortugal Bandièra de Suècia Suècia Flag of Hungary.svg Ongria Bandièra: Republica ChècaRepublica Chèca
9
Bandièra: DanemarcDanemarc Bandièra: FinlàndiaFinlàndia Bandièra: IrlandaIrlanda Bandièra: LituàniaLituània Bandièra: EslovaquiaEslovaquia Bandièra: CroàciaCroàcia
7
Bandièra: LetòniaLetònia Bandièra: EslovèniaEslovènia
6
Bandièra: EstòniaEstònia
5
Bandièra: MaltaMalta Bandièra: LuxemborgLuxemborg Bandièra: ChipreChipre


Los Conselhèrs son organizats en tres grops:

  • Grop dels Emplegaires - GROP I: son d'entrepreneires o representants d'associacions d'entrepreneires de l'industria, del comèrci, dels servicis e de l'agricultura dels païses de l'Union Europèa.
  • Grop dels Trabalhadors - GROP II: Lo grop dels trabalhadors es compausat de representants de las organizacions sindicalas nacionalas, de las confederacions e federations sectorialas.
  • Grop "Activitats divèrsas" - GROP III : Agricultors, consomators, economia sociala, artesans, PME, ONG socialas e environamentalas, professions liberalas…

Attributions[2][modificar | modificar la font]

Lo CESE es la votz de la societat civila. Dona de vejaires al Conselh, a la Comission e al Parlament Europèu, a lor demanda o d'iniciativa pròpia. Aquó permet a las autras institucions:

  • de conéisser melhor l'impacte que las proposicions de la Comission aurán prèp de las partidas concernadas;
  • d'identificar las adaptacions necessárias per qu'aquelas mesuras receptan una adesion mai larga de la partida dels ciutadans.

Lo CESE incita tanben la societat civila a s'implicar mai dins l'elaboracion de las politicas de l'Union. Organisa, amb lo sosten de las autras institucions comunautaris, fòrças accions tòcan a melhorar los rapòrts entre los ciutadans europèus e las institucions europèas.

Lo CESE tanben es actiu dins lo domèni de las relacions exterioras. Entreten de ligams amb de representants de la societat civila dins los païses tèrç.

Lo CESE es una assemblada consultativa; los avís son pas constrenhents per las autras institucions.

Organizacion e foncionament del CESE[modificar | modificar la font]

Lo president del CESE es elegits pels membres per un mandat de dos ans e mièg.

Lo CESE es organizat en sièis seccions especializadas:

  • Union economica e monetari, coesion economica e sociala (ECO)
  • Mercat unic, produccion e consomacion (INT)
  • Transpòrts, energia, infrastructuras, societat de l'informacion (TEN)
  • Emplec, afars socials, ciutadanetat (SOC)
  • Agricultura, desvolopament rural, environament (NAT)
  • Relacions exterioras (REX)

Ligams intèrnes[modificar | modificar la font]

Font e ligams extèrnes[modificar | modificar la font]

Referéncias[modificar | modificar la font]

  1. (fr)Qu'est-ce que le Conseil économique et social ?, Jacques Dermagne, Ed. L'Archipel
  2. (fr)Le CESE: un pont entre l'Europe et la société civile organisée, CESE 2009 - L'Europe aux concours, Documentation Française, Collection FAC", 2009