Caso del metílico

Lo caso del metílico es lo nom popular d'un afaire d'intoxicacion alimentària que se debanèt en Espanha a la prima de 1963. Toquèt principalament Galícia e leis Illas Canàrias onte plusors personas consomèron de bevendas alcoolizadas elaboradas a partir de metanòl per una companhiá de Vigo. Lo bilanç oficiau foguèt de 51 mòrts e de 9 personas emborniadas. Pasmens, mai d'un estudi estima lo nombre vertadier de victimas a plusors miliers.

L'origina de l'intoxicacion èra l'utilizacion de metanòl, compausat que còsta ben mens car que l'etanòl mai qu'es fòrça toxic per l'èsser uman, per divèrsei companhiás qu'aprofichèron la manca de contraròtles eficaç de part deis autoritats. Lei responsables principaus foguèron jutjats en 1967. Onze personas foguèron condamnadas a de penas anant d'una a dètz-e-nòu annadas de preson e a 20 milions de pesetas d'indemnitats. Pasmens, aquelei sòmas foguèron jamai pagadas car lei copables foguèron declarats insolvables e lei penas foguèron rapidament reduchas. En particular, leis instigators de la frauda, Rogelio Aguiar e Román Lago, foguèron respectivament liberats en 1972 e 1974.

Liames intèrnes

• Escàndol de l'òli fraudada, autre afaire d'intoxicacion alimentària en Espanha (1981).
• Etanòl.
• Metanòl.

Bibliografia

• (es) Fernando Méndez, Caso Metílico, [1].
• (es) Fernando Méndez, 50 años envenenados, Sotelo Blanco, 2013.
• (gl) Fernando Méndez, Historia dun crime. O caso do metílico, Galaxia, 1998.
• (es) Fernando Méndez, Mil muertos de un trago, Península, 1998.