Carri Fiat 3000

Fotografia d'un Fiat 3000 a una data desconeguda.

Lo carri Fiat 3000 es un carri leugier italian derivat dau Renault FT francés. Sa concepcion comencèt en 1918, mai foguèt alentida per la fin de la Premiera Guèrra Mondiala. D'una massa de 5,5 t, èra un blindat leugier armat de doas mitralhièras, çò qu'èra relativament ben adaptat ai condicions geograficas dau nòrd d'Itàlia. Pasmens, la produccion foguèt limitada a 140 exemplaris en causa de problemas industriaus e de la crisi economica en Itàlia au començament deis ans 1920.

La premiera version intrèt en servici en 1921 e quauqueis unitats foguèron vendudas a d'autrei país, especialament Etiopia. Participèt ai guèrras italianas a partir de 1926, compres a la Guèrra d'Etiopia. En causa de la manca de carris, foguèt utilizat durant la Segonda Guèrra Mondiala fins ai combats de Sicília en 1943. Totalament obsolèt, foguèt decimat per lei carris aliats.

Liames intèrnes

• Carri leugier.
• Renault FT.

Bibliografia

• (it) Bruno Benvenuti e Ugo F. Colonna, L'armamento italiano nella seconda guerra mondiale Carri armati in servizio fra le due guerre 1, Roma, Edizioni Bizzarri, 1972.
• (en) Filippo Cappellano e Pier Paolo Battistelli, Italian Light Tanks: 1919-45, Osprey Publishing, 2012.
• (en) John Joseph Timothy Sweet, Iron Arm: The Mechanization of Mussolini's Army, 1920-1940, Stackpole Books, 2007.