Carl Sandburg

Un article de Wikipèdia, l'enciclopèdia liura.
Salta a la navegació Salta a la cerca
Fotografia de Carl Sandburg en 1955.

Carl Sandburg (6 de genier de 1878, Galesburg - 22 de julhet de 1967, Flat Rock) es un poèta estatsunidenc d'origina suedesa.

Nascut dins un mitan popular, comencèt de trabalhar a 13 ans avans de s'engatjar dins l'armada durant la Guèrra Ispanoestatsunidenca de 1898. Se son unitat foguèt pas mandada vèrs lo teatre d'operacions, aquela experiéncia li permetèt d'anar a l'Universitat. En parallèl, participèt a l'organizacion de partits socialistas e venguèt secretari dau premier cònsol de Milwaukee en 1910. Comencèt alora d'escriure d'articles de premsa, çò que li permetèt de venir escrivan.

Son òbra es marcada per plusors recuelhs de poèmas utilizant generalament de vèrs liures escrichs amb un ritme assaiant de crear un espaci artificiau menaçant e exaltant, similar a una vila modèrna, e una votz populara e realista. Seis òbras principalas son Chicago Poems (1916), Cornhuskers (1918), Smoke and Steel (1920) e The People, Yes (1936). Sandburg escriguèt tanben una biografia d'Abraham Lincoln, quauquei romans e una autobiografia. Recebèt tres Prèmis Pulitzer.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]