Boçagas

Boçagas (Boussagues en francés) es l'ancian capluòc (fins a 1884) de la comuna lengadociana de La Torre d'Òrb (fins a 1884) situada dins lo departament d'Erau e la region d'Occitània, ancianament de Lengadòc-Rosselhon.

Toponimia

Las fòrmas ancianas son : castellum de Bociacas en 1117, castello de Buciagas, quod vocatur Buciagas en 1118, castello de Bociagas en 1145, ecclesia de Bociacis en 1159-1161, Petro de Bosachas, Petrus de Bocecas en 1164, castrum de Bociagas en 1164, castro de Bociacis... castri veteris de Bociacis en 1199, dominus de Bociacis en 1238, Bociacis en 1247-48, 1264 e 1323, de Bociacis, de Boriacis en 1361, Beate Marie de Bociassis en 1396, Bossagues en 1571, Boussagues en 1590, Bousagues en 1643, Boussagues o Bossagues en 1740-1760, Boussargues en 1740-1760, Boussagues en 1740-1760, 1771 e 1770-721 (mapa de Cassini).

Segon Frank R. Hamlin, Boçagas èra una proprietat galloromana, installada sus l'emplaçament d'un abitat pus ancian. Boçagas ven del gentilici latin Buccius, amb lo sufixe -acas, varianta d'acum, que s'acòrda gramaticalament amb terras, villas o *castras. Vinetum de Bossaguetas, atestat en 1266, es un luòc non identificat, logicament près de Boçagas.

Lo gentilici es boçagòu/boçagòl -òla, o mens etimologic bossagòu/bossagòl -òla.

Istòria

• En l'an II, se creèt una comuna de Camplong (Camplong, dins l'Ancian Regime, fasiá partida de la comunautat de Boçagas), destacada de Boçagas; Sant Estève de Murçan, Estrechors, Sant Martin de Clemençan (auèi dins Lo Bosquet d'Òrb) e Graisseçac foguèron estacadas a Camplong. Dins la seguida, en 1844, Sant Martin de Clemençan faguèt partida de la comuna novèla del Sant Martin d'Òrb, que venguèt Lo Bosquet d'Òrb en 1881; puèi en 1859, Graisseçac venguèt comuna, atal coma Sant Estève d'Estrechós en 1900.
• Pauc a pauc, al sègle XIX, la partida de la comuna situada dins la val d'Òrb prenguèt mai d'importància, mai que mai lo masatge de La Tor, e Boçagas pas tant. Amb las dificultats de comunicacion, aquela partida de la comuna demandèt a se separar de Boçagas. En 1884, lo capluòc de la comuna foguèt desplaçat a la Tor e lo nom de la comuna foguèt tanben cambiat, per venir oficialament en francés La Tour-sur-Orb (B.L. 1884, XXVIII-182). Lo mescòrdi entre las doás partidas de la comuna s'aprigondiguèt, a tal punt que Boçagas e Clairac demandèron a venir una comuna separada, çò que lo Conselh General d'Erau acordèt en 1904, sense realizacion efectiva pr'aquò.

Demografia

Es l'evolucion demografica de Boçagas, pas de la Torre d'Òrb après 1884. Al sègle XIX, i a de lacunas.

Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
1 021	1 165	848	1 041	1 138			-	-
1856	1861	1866	1872	1876	1881	1886	1891	1896
-	1 145	-	-	1 181	1 191	-	-	-
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008 Evolucion de la populacion 1962-2008

• Lo n° INSEE es estat cambiat per questions practicas.

Luòcs e monuments

• 
  Lo masatge de Boçagas.
• 
  La plaça de Boçagas.
• 
  Lo masatge de Boçagas.
• 
  La glèisa de Nòstra Dòna de la Pietat.
• 
  Lo castelàs, domnon romanic.
• 
  Lo castelàs.
• 
  La torre de Patau.
• 
  La nau de la glèisa de la Trinitat.
• 
  Capitèls de la glèisa de la Trinitat.
• 
  Capitèl e basa d'ogivas del pilar nau/absida.
• 
  Faciada oèst.
• 
  Motladuras del portal.
• 
  Capitèl de la nau.
• 
  Ostau del baile.
• 
  Ostal del baile.
• 
  Castèl bas al començament del sègle XX.
• 
  Ancian quartièr abans l'incendi.
• 
  Pòrta de Nòstra Dòna.