Anna Atkins

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'Anna Atkins en 1861.

Anna Atkins (16 de març de 1799 - 9 de junh de 1871) es una botanista britanica que foguèt pioniera de l'utilizacion d'imatges fotografics per illustrar de libres.

Educada per son paire John George Children (1777-1852) qu'èra un naturalista famós[1], Anna Atkins recebèt una educacion scientifica avançada e s'orientèt vèrs l'illustracion botanica. Tre leis ans 1820, participèt ansin a la realizacion de dessenhs per de publicacions de remarca coma la traduccion anglesa de l'Istòria dei Mollusques de Jean-Baptiste de Lamarck (1744-1829).

En 1825, se maridèt ambé John Pelly Atkins e comencèt d'estudiar la biologia. En particular, comencèt la confeccion d'un important erbari. En 1839, venguèt sòci de la Societat botanica de Londres. Dos ans pus tard, comencèt de s'interessar ais algas. Gràcias a son paire, descurbiguèt tanben lei trabalhs de William Fox Talbot[2] (1800-1877) e de John Herschel (1792-1871) sus la fotografia. Ne comprenguèt rapidament l'interès e adoptèt rapidament la fotografica d'Herschel, lo cianotipe, dins son trabalh. Ansin, en 1843, son obratge sus leis algas foguèt lo premier libre illustrat per de fotografias. Puei, completèt son òbra ambé dos tòmes suplementaris de son erbari sus leis algas e un obratge sus lei feuses.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. La maire d'Anna Atkins es mòrta rapidament après sa naissença.
  2. William Fox Talbot, tanben un pionier de la fotografia, èra un amic de John George Children e de John Pelly Atkins.