Aglabidas
Los Aglabidas son una dinastia d'emirs de la tribú dels Banu Tamim que dirigiguèt Ifriqiya de 800 a 909. Nomats per lo califa abbassida Harun ar-Rachid per estabilizar la region tochaa per l'anarquia après de trebols internes, los Aglabidas venguèron rapidament independents tot en reconoissent la sobeiranetat nominala de la cort de Bagdad. Restaurèron l'agricultura de la region e fondèron un reiaume prospere en s'apiejan sus las infrastructuras laissaas per los Romans. Demorèron pereu relativament neutres dins los conflictes entre Abbassidas e Omeias en Mediterranea Orientala, çò que li permetèt de menar la conquista de Sicília. Pasmens, après un apogeu durant los ans 850-860, la dinastia foguèt pauc a cha pauc minaa per las revòutas internas e afeblia per las atacas en provenença d'Egipte. Foguèt finalament anientaa en 909 per los Fatimidas.
Ligams internes
[modificar | Modificar lo còdi]Bibliografia
[modificar | Modificar lo còdi]- (fr) Mohamed Talbi, L'émirat aghlabide : 184-296, 800-909, París, Librairie d'Amérique et d'Orient, 1966.
- (fr) Maurice Vonderheyden, La Berbérie orientale sous la dynastie des Benoû l-Aṛlab, 800-909, París, Geuthner, 1927.