Emir

Un article de Wikipèdia, l'enciclopèdia liura.
Sauter à la navigation Sauter à la recherche

Un emir (de l'arab أمير, amir, "aquel qu'ordona", "cap", "governaire", a l'encòp derivat del vèrb amara, "comandar") es un cap militar, governaire o prince d'un país islamic.[1] Lo títol d'emir cambièt de sens pendent lo cors de l'istòria e dels territòris: Al començament de l'Egira lo tèrme emir designava lo cap del mond islamic. Designava tanben e designa a totes los descendents de Maomet. Venguèt mai tard una mena de títol mièg nobiliari mièg politic qu'encara uèi se dona dins fòrça luòcs. Lo país governat per un emir es un emirat. Vaquí d'exemples d'emirats actuals, malgrat s'an de forma de govèrn diferents: Kowait, Qatar, Bahrayn e los Emirats Arabis Units. Après la creacion dels títols de sultan e rei (malic), lo títol d'emir venguèt a designar de dignitats mendres o d'oficièrs militars. Dins aquel sens militar foguèt utilizat a Siria o Egipte a l'epòca dels aïobidas e dels mamelocs. Los emirs comandavan de grops de 100 òmes e los emirs de la gàrdia 1000. A l'ora d'ara tanben designa los princes dels ostals reials. En l'Índia es tanben sinonim de ric. Emir foguèt tanben lo títol d'un cap religiós d'una secta minoritària de Lahore nomenada Ahmadiyya anjuman ishaat-e Islam. Emir es tanben un nom d'ostal dins unas regions balcanicas (per exemple, lo cineasta Emir Kusturica).

Referéncias[modificar | modificar la font]

  1. «emir».