Placa africana
La placa Africana es una placa tectonica de la litosfèra de la planeta Tèrra. Sa superfícia es de 1,44065 estereoradians. S'i associa mai sovent la placa somaliana qu'ara se separa de la placa africana al nivèl de la Granda Val del Rift.
Desplaçament
[modificar | Modificar lo còdi]Lo desplaçament de la placa africana se fa cap al nòrd èst, a una velocitat de 2,15 centimètres par an o a una velocitat de rotacion de 0,927° per milion d'annadas segon un pòl eulerian situat à 59°16' de latitud nòrd e 73°17' de longitud oèst (referencial: placa pacifica).
Son contacte divergent amb la placa arabica ven d'aquó qu'aquela se desplaça cap al nòrd mai aviadament que la placa africana.
Las zonas de convergéncia son situadas al nòrd de la placa, en Mediterranèa. Al tèrme, la mar Mediterranèa es condamnada a desparéisser: isolada de l'ocean Atlantic dins 650 000 ans, se separará en bacins independents que secarán e apareisserá a una serrada.
Espandida
[modificar | Modificar lo còdi]Cobrís per de rusca continentala, la majoritat del continent african levat:
- a l'èst, l'Africa de l'Èst, las illas africanas de l'ocean Indian (Madagascar, Seichèlas, Comòras, Mascarenhas e Socotra), que dependon de la placa somaliana
- le Rif de Marròc, depend de la placa eurasiatica,
- la depression de l'Afar en Etiopia e Eritrèa, depend de la placa arabica.
La rusca continentala de la placa africana cobrís tanben:
- una partiada de l'èst de l'ocean Atlantic dont las Canàrias, du Cap Verd, de Madèira e del sud dels Açòres;
- l'oèst de la mar Roja ;
- lo sud de la mar Mediterranèa amb la Sicília e una partida des illas Eolianas ;
- una pichona partida de l'Asia amb lo Sinai, la Palestina e las costas libanesas e sirianas.
La rusca oceanica cobrís l'èst de l'ocean atlantic
Frontièras
[modificar | Modificar lo còdi]Las seunas frontièras amb las autras placas son subretot formadas per de dorsalas, del sud oèst de l'ocean Indian e de la mar Roja e del rift constituissent la Granda Val del Rift.
La placa africana es en contacte amb las placas:
- Placa nordamericana al Nòrd Oèst, per la dorsala medioatlantica divergenta;
- Placa sudamericana al Sud Oèst, per la dorsale medioatlantica divergenta;
- Placa antartida al Sud, per la dorsala del sud oèst de l'ocean Indian divergenta;
- Placa somaliena a l'Èst, per lal Granda Val del Rift divergenta e una zona de convergéncia oceanica;
- Placa arabica al Nord Èst, pel rift divergent de la dorsala de la mar Roja;
- Placa anatoliena, Placa de la mar Egèa e Placa eurasiatica al Nòrd, per de contactes convergents.
Soscompausants
[modificar | Modificar lo còdi]La placa africana se separa en dos dempuèi quinze milions d'ans en Africa de l'Èst: un rift continental se realiza amb un estirament lineari de la placa del golf d'Adèn fins a Malawi. Aquel estirament es associat a un volcanisme Basaltic toleiitic que s'encontra puslèu al nivèl de las dorsalas oceanicas, una realizacion de grabèns e de òrsts de cada costat del rift e un punt caud situat dins la depression de l'Afar. Se la divergéncia contunha un nòu blot continental apareisserá, separat del rèste d'Africa per una nòva mar del tipe de la mar Roja e portat per la placa somaliana. Ja la mar comença a se formar al nivèl del golf de Tadjura e de l'èst d'Etiopia: una partida de la region es en dejós del nivèl del mar e se reliza une infiltracion de l'aiga de mar que forma de lacs salats.
