Buòu borguinhon

Un article de Wikipèdia, l'enciclopèdia liura.
Anar a : navigacion, Recercar
Una sièta de Buòu borguinhon

Lo buòu borguinhon es un plat de carn de buòu acompanhat de pastenagas.

Origina[modificar | modificar la font]

Lo buòu borguinhon es un plat d'origina borguinhona, en França. Ten son nom dels dos produches borguinhons que lo compausan : lo buòu e lo vin. Borgonha es d'efièch una region reputada per la qualitat de sos elevatges de bovins, en particular lo charolés e la qualitat de sos vinhièrs coma los de las còstas de Beaune.

Presentacion generala[modificar | modificar la font]

Lo buòu borguinhon se compausa de tròces de carn de buòu cuèches dins l'ola dins de vin roge amb de carròtas. La coseson es lenta e de fuòc doç. Los aliments se coson atal, pauc a pauc en s'impregnant de vin. Lo plat se pòt acompanhar de lardons, de cebas, d'alh e de boquet garnit. Lo vin es un vin roge; se recomanda lo de Borgonha. La qualitat del plat depend de la de la carn e del vin. Lo plat se servís e se consumís caud en plat de resisténcia.

Consomacion[modificar | modificar la font]

En França, lo buòu borguihon es un plat servit en familha pels repaisses de fèsta o los repaisses ordinaris e dins los restaurants, grands e pichons, coma los restaurants d'entrepresas. Tanben se prepausa jos forma de plat preparat en consèrva.

Foodlogo.svg
Una recèpta de cosina es disponibla sul portal connèxe, Wikibooks :
Buòu borguinhon.

Vejatz tanben[modificar | modificar la font]

Ligams extèrnes[modificar | modificar la font]