Ceba
Un article de Wikipèdia, l'enciclopèdia liura.
|
|||||||||
|---|---|---|---|---|---|---|---|---|---|
 |
|||||||||
| Allium cepa | |||||||||
| Classificacion classica | |||||||||
| Règne | Plantae | ||||||||
| Sosrègne | Tracheobionta | ||||||||
| Division | Magnoliophyta | ||||||||
| Classa | Liliopsida | ||||||||
| Sosclassa | Liliidae | ||||||||
| Òrdre | Liliales | ||||||||
| Familha | Liliaceae | ||||||||
| Genre | Allium | ||||||||
| Nom binomial | |||||||||
| Allium cepa L., 1753 |
|||||||||
| Classificacion filogenetica | |||||||||
| Òrdre | Liliales | ||||||||
| Familha | Liliaceae | ||||||||
|
|||||||||
Percorrètz la biologia sus Wikipèdia :
|
|||||||||
La ceba (Allium cepa) es una planta erbacèa bulbosa de la familha de las liliacèas originària de l'Asia centrala, que ten pas qu'un sol bulb bèl, de forma ovoïda, redonda. Es biennala e pòt arribar fins a 1 m de longor. Sas fuèlhas son semicilindricas e sortisson d'un bulb jos tèrra, que possedís de rasics superficialas. Sa tija es drecha e abitualament espelís pendent la segonda annada de maturacion de la planta. A son cap a una ombella de flors blancas o ròsas.
Un còp es copat, lo bulb laissa anar un òli volatil sulfurat que causa de lagremas per encausa d'irritacion del teissut conjontiu de l'uèlh.
Es conegut e emplegat tradicionalament coma una planta medicinala, e es estat utilizat dins lo tractament de l'asma, de la diabèti, l'ipertension, etc.
Ten una resisténcia fòrta a la secada a mai se cal pas que manque d'aiga dins lo periòde critic de creissença del bulb. Se las cebas subisson una manca excessiva d'aiga pòdon venir mai picants e son bulb serà mens desvolopat.
Las regions occitanas fan una consomacion importanta de ceba e demest las vilas productoiras de cebas cal citar Lesinhan la Ceba (a ras de Pesenàs, Erau).
[modificar] Compausants actius principals
- Minerals: principalament: potassi, fosfòr, calci, magnèsi, sòdi, sofre e, en quantitats mendras: fèrre, manganès, zinc, coire e seleni.
- Vitaminas: Vitamina C, Acid folic, Vitamina E
- Òli essencial amb fòrça compausants sulfuroses: disulfuri d'atilpropili, metilaliïna, cicloaliïna...etc
- Acid tiopropionic
- Quercetina
- Aliïna, en mendra quantitat que dins l'alh.
