Ziran

Un article de Wikipèdia, l'enciclopèdia liura.
Salta a la navegació Salta a la cerca

Lo ziran (chinés: 自然; pinyin: zìrán; Wade–Giles : tzu-jen; corean: 자연; Japanese: 自然 (じねん・しぜん, jinen shizen)) es un concèpte fondamental del taoïsme. Aiceste mot chinés es compausat de dos caractèrs : zi (自) "nas; se; dempuèi" e ran (然) "drèch, just; corrècte; atal". Ran es tanben utilizat coma un sufix que marca los advèrbis o los adjectius (a quicòm prèp equivalent de -ment en occitan). Dins la cultura e la simbolica chinesa, lo nas es utilizat coma metafòra per designar son ponch de vista.

Origina del concèpte[modificar | modificar la font]

Lo mot ziran foguèt bensai creat per Laozi dins lo Daodejing.

Es ligat al concèpte de wu wei e designa una vision essencialista del ligam entre l'òme e l'òrdre de l'univèrs (assimilat a la natura).

En chinés modèrne, en defòra de son sens filosofic, lo tèrme es plan utilizat:

- coma advèrbi: 自然 significa naturalament.

- coma adjectiu: 自然 significa aisat, natural, amb natural.

- coma substantiu: 自然 significa la natura.

Significacion del concèpte[modificar | modificar la font]

Lo concèpte filosofic significa un retorn a sa natura originala, a un comportament espontanèu e liure, confòrme a la natura umana e a la natura del mond. Es considerat coma un comportament essencial pels taoïstas.

Aquesta vision pòt semblar estranha o pauc familiara en defòra de China mas revèrta en partida, en Occident, d'elements de la pensada de Jean-Jacques Rousseau.

Referéncias[modificar | modificar la font]

Pregadio, Fabrizio. ed. (2008). The Encyclopedia of Taoism. Routledge.