Vingilot

Un article de Wikipèdia, l'enciclopèdia liura.
Salta a la navegació Salta a la cerca

Lo Vingilot est un naviri fictiu creat per l'escrivan J. R. R. Tolkien. Foguèt bastit per Eärendil e Cirdan, e la siá primièr tòca foguèt arribar fins a Aman. Los Valar l'enviàron al cèl per aquò far.

Lo Vingilot es doncas un batèu blanc bastit per Eärendil, amb l'ajuda de l'elf Cirdan, creat per crosar Belegaer, la Granda Mar, e arribar fins a Valinor, a l'òest, pendent la primièra epòca de la Primièra Edat. Amb Eärendil, i a tanben tres marins; Aerandir, Erellont e Falathar.

Sul naviri, Eärendil amassèt la siá femna Elwing (amb forma de chòt) que fugiguèt del Chaple del Sirion pels filhs de Fëanor. Lo viatge contunharà fins a Valinor, ont arribarà l'an 542 e serà recebut pels Valar.

Quand los Valar decidisson tanben salvar la Tèrra Mejana e luchar contra Morgoth, Eärendil pòt pas pus tornar a la Tèrra Mortala car agachèt la Lutz d'Aman. Alavetz causiguèt demorar amb los elfs e volar al cèl amb lo Vingilot. Eärendil sonque baissarà a la Tèrra mejana un solet còp, aprés la batalha finala de la Guèrra de la Granda Colèra, quand luchèt amb lo Vingilot contra l'òrre drac Ancalagon lo Negre. Aprés aquel jorn Eärendil viatja totjorn pendent la nuèch sul Vingilot, coma una estela que dòna de lutz e d'espèr als Pòbles Liures (Los òmes, los elfs e los nans). Susvelha que Morgoth pòsca jamai tornar a Arda e aquò es fach dempuèi Solelh Colc fins a la nòva naissença del Solelh.