Morgoth

Un article de Wikipèdia, l'enciclopèdia liura.
Salta a la navegació Salta a la cerca
Morgoth pendent lo començament del temps.

Mórgoth Bauglir, incialament conegut coma Melkor, es un personatge fictiu de l'univèrs de J.R.R. Tolkien, la Tèrra Mejana. Morgoth es un personatge del quite òrdre que los Valar, que dempuèi lo començament del temps s'es corromput e venguèt per ansin lo primièr Senhor Escur.

A l'òbra de Tolkien, Morgoth solament apareis coma una persona dins Lo Silmarillion, mas aurà, totun, una influéncia giganta en d'òbras posterioras. Lo Senhor Escur Sauron,per exemple, atanben conegut coma Lo Senhor dels Anèls èra estat son sirvent.

Nom[modificar | modificar la font]

Quora èra considerat coma Valar, èra conegut coma Melkor. Totun, aprés sa corrupcion e quand comencèt luchar contra los pòbles d'Arda, los elfs Nholdor lo coneisseràn coma Morgoth Bauglir.

Morgoth pot èsser revirat coma "Enemic escur", o "Foscor Abominabla" (raiç MOR: nègre, fosc, ombra; e GOS/GOTH: Abominacion, Terror), e Bauglir vòl dire "Tiran" o "Oprimeire" (raiç MBAW: obligar, forçar, oprimir).

Istòria[modificar | modificar la font]

Abans la creacion d'Arda, Melkor èra lo mai poderós dels Ainur. Cada Ainur aviá lors pròpris "talents", mas Molkor ne manejava plan.Coma fa un nenon arrogant,competiguèt amb Eru (tanben conegut com L'Unic o Iluvatar, lo paire de totes) a la Musica dels Ainur. Melkor èra gelós de son paire e voliá crear e governar el. Demorèt fòrça temps en tot assajar de trobar lo Fuòc Secret sens compréne que aquesta èra una qualitat exclusiva d'Eru e que solament i podiá arribar a travèrs Eru.

Pendent sa recerca del Fuòc Secret se separèt d'Eru e los autres Ainur e los sieus pensaments s'alonhèron de mai en mai de l'armonia e las sieunas gènts. Pendent la Granda Musica dels Ainur, Melkor assagèt de cambiar lo tema e introduire los elements pròpris que el cresiá necessaris. En tot far aquel esfòrç fòrça Ainur anèron amb el - los qu'avián mens volontat - e poguèt atal crear un 'contra-tema' al tema principal d'Eru; mas, en realitat, en tot èsser creat, Melkor podiá pas crear e la soleta causa que podiá far èra descobrir o imitar. La musica que fasiá èra 'brusenta' e 'vanitosa', e, frustrat per son malescaduda en poder pas superar la musica d'Eru, assagèt de ne corrompre l'armonia, e atal corrompèt tot çò que podiá pas dominar, e corrompèt tota la Musica.

Ironicament, los assags de Melkor cambièron pas realament la Musica, solament l'avián facha mai complèxa: la musica pròpria d'Eru ganhava en prefondor e en beutat per rapòrt a las tristas dissonánçias de Melkor. Atal, quand l'Ainu Ulmo canta a l'aiga, Melkor vòl la destrusir pr'amor qu l'aiga èra pas una creacion sieuna ne podiá pas la contrarotlar. Donèt a l'aiga un fred extrem e una calor extrema mas amb aquò poguèt pas destrusir l'aiga e, sens o voler, foguèt aquò l'origina dels nívols, la pluèja, le nebla, la nèu o lo glaç.