Ancalagon

Ancalagon, tanben dich Lo Negre, es un drac fictiu creat per l'escrivan J. R. R. Tolkien. Òm ne parla dins Lo Simarilion. Foguèt elevat per Morgoth dins la fortalesa d'Angband e puèi foguèt mai conegut aprés la darrièra batalha de la Primièra Edat que se debanèt demest las armadas dels Valar e Morgoth per la libertat de la Tèrra Mejana. Morgoth i envièt coma darrièra ressorça de dracs voladors condusits per Ancalagon lo Negre. Ancalagon lucharà contra Eärendil e Thorondor al cèl mas serà ailà batut e aquò provocarà la destruccion de la cima de Thangorodrim pendent la siá casuda e la desfacha dels sieu mèstre.

Per ansin, e pendent la Primièra Edat, en l'an 587 e sonque maitas annadas aprés la casuda de Gondolin, e la fin del reialme de Doriath, Eärendil e Elwing sarpan vèrs Valinor per demandar los Valar de salvar la Tèrre Mejana de Morgoth. E doncas, las armadas dels Valar, dirigidas per Eönwë, eraut de Manwë, Finarfin, rei dels Nholdor d'Aman, Ingwë, rei dels Vanyar e Eärendil en tot volar sul Vingilot, se'n van cap a Thangorodrim, ont dejós i a la fortalesa de Morgoth. Ailà tròban tanben per los ajudar l'armada dels Edain.

Morgoth enviarà dempuèi Angband la majoritat de la siá armada mas aquesta serà lèu desfacha pels Valar. Alavetz decidís d'enviar la siá reserva amb los dracs voladors dirigits per Ancalagon lo Negre. La fòrça de l'ataca es estonanta e « l'armada dels Valar recularà davant las flamas dels dracs». Pasmens, Eärendil sul Vingilot, acompanhat de Thorondor, que dirigís una armada d'aucèls, lucharà contra Ancalagon e los autres dracs pendent un jorn entièr e una nuèch entièra, abans de lo tuar. Lo drac, nafrat de mòrt al cèl, tombarà sus la cima de Thangorodrim, en tot provocar una granda destruccion e la fin de la Granda Colèra. Fin finala, Angband dubrirà las siás pòrtas e Morgoth demorarà presonièr dels Valar. Es aital cossí finís la Primièra Edat de la Tèrra Mejana.