Angband

Un article de Wikipèdia, l'enciclopèdia liura.
Salta a la navegació Salta a la cerca

Angband, dins lo mond mitologic de la Tèrra Mejana de J.R.R. Tolkien, es lo nom de la fortalesa del Senhor Escur Morgoth. "Ang-band" vòl dire"Preson de Fèrre" en sindarin.[1]

Morgoth la bastiguèt abans de la Primièra Edat, e Sauron ne foguèt lo sieu comandant. La situèt a las Montanhas de Fèrre, al nòrd de Beleriand coma una fortalesa per s'aparar dels valar se volián l'atacar.

D'efièch, los valar ataquèron Morgoth, lo tornèron agafar e destrusiguèron la sieuna fortalesa principal d'Utumno. Pendent las tres edats que Morgoth foguèt en preson, Sauron demorèt a Angband en tot crear una armada d'orcs per son senhor.

Quan Morgoth foguèt liberat, tornèt a la Tèrra Mejana e anèt a Angband, ont enauçèt una montanha volcanica giganta sus la fortalesa per la protegir, nomenada Thangorodrim.

Morgoth regnèt dempuèi Angband fins la fin de la Primièra Edat, quand patiguèt una desfacha a la Guèrra de la Colèra, Thangorodrim foguèt desrocat e Angband destrusida.

  1. Day, David. Tolkien: The Illustrated Encyclopaedia (en anglès). Simon and Schuster, p. 60. ISBN 0684839792.