Uc de la Bachalariá
.jpg)
Uc de la Bachalariá (lem.) variantas Bacalariá, Bacalairiá[N 1], (fl. 1206[1]) fuguèt un trobador lemosin originari de La Bachalariá, prèp d'Usercha[N 2], la vila natala de Gaucelm Faidit. Segon la sieuna vida, èra un menestrelh que viatjava sens èstre plan conegut. Escriguèt cansos, tensos, una alba e un descort. Demòran d'eu sièis cançons: una canso, una alba e quatre tensos (entre lo partimen e un torneyamen). L'autor de la sieuna vida lo definiguèt com cortés, abil e instruït.
Uc participèt en un torneyamen a tres emb Savaric de Mauleon e Gaucelm Faidit[2]. Savaric lancèt aquest dilèma: se una senhora emb tres cortesans espia fizament aus ulhs d'un d'eles, dòna la man a un autre e buta lo pè dau tercer a qui mòstra lo vertadièr amor?[3] La responsa d'Uc es qu'eu cortesan qu'a la man ligada emb la senhora serà lo cortesan qu'aurà lo vertadièr amor, pr'amor qu'un agach fix d'una senhora benlèu no vòl pas dire res[4].
Uc escriguèt un autre partimen emb Gaucelm e dos mai emb Bertran de Sant Felitz.
Tanben escriguèt una òbra erotica, Per grazir la bon' estrena, en la quau, com lo sieu contemporanèu Guiraut Riquier, vòl que l'alba arribe e non pas com los primièrs trobadors, que volián que non arribèsse pr'amor qu'avián paur dau marit gelós. En aquela epòca los trobadors semblan aver desirat qu'aquest genre revisquèsse e Uc diguèt explicitament que voliá far l'alba un autre còp: voli far un alba amb un nou sòmi." [5]
La unenca canso d'Uc es Ses totz enjans e ses fals'entendensa.
Veire tanben
[modificar | Modificar lo còdi]Bibliografia
[modificar | Modificar lo còdi]Articles connèxes
[modificar | Modificar lo còdi]Liames extèrnes
[modificar | Modificar lo còdi]Nòtas e referéncias
[modificar | Modificar lo còdi]Nòtas
[modificar | Modificar lo còdi]- ↑ Variacion dialectala: Au mens una sorsa lemosina correnta utiliza la fòrma nòrdoccitana Bachalariá per referir au trobador. Frederic Mistral cita Uc de la Bacalairia dins son Tresaur dau Felibritge e menciona baccalaria, bachalaria en oc ancian, puèi "bachelariè, bachelariò (lim.)" per lo mot e los toponimes La Bachalariá (Corresa) e La Bachalariá (Perigòrd).
- ↑ La Bibiographie des Troubadours dich La Bachalariá en Dordonha a 45km (Mapa) d'Usercha, mas existís d'autres La Bachellerie/La Bachalariá mai pròche a Usercha, notadament a Celom (7km, Mapa); Julhac (22km, Mapa); Gimel (26km, Mapa); Davinhac (41km, Mapa). A distança similara avem Sent German las Vòlps (56km, Mapa); Saurnac (59km, Mapa). (Veire la mapa de Cassini). "Près d'Usercha" probablament significa La Bachalariá de Celom.