Tripolitània
Tripolitània es una region istorica de l'oèst de Libia, centrada sus la vila costièra de Trípol.
La region foguèt originalament poblada pels Berbèrs, que al sègle VII abans JC i fondèron de colonias long de la còsta, mas que lèu-lèu foguèron contrarotladas pels cartagineses. Numidia la conquistèt en 146 abans JC, e los Romans arribèron un sègle mai tard, alavetz Tripolitània devenguèt una region prospèra.
Los Vandals la prenguèron en 435, puèi ne foguèron caçats al sègle VI per l'Empèri Bizantin. Los Arabis i venguèron al sègle VII. Los Turcs Otomans la prenguèron en carga en 1553 e la gardèron coma lo vilayet de Trípol fins en 1911, quand foguèt conquistada per Itàlia dins la Guèrra Italoturca.
Itàlia autregèt oficialament l'autonomia après la guèrra, mas fins finala tornèt ocupar la region. Tripolitània foguèt una colònia desseparada del 26 de junh de 1927 al 3 de decembre de 1934 quora foguèt inclusa dins Libia. Pendent la Segonda Guèrra Mondiala, Libia foguèt ocupada pels aliats e fins en 1947 amb la region de Cirenaïca, foguèron administradas pel Reialme Unit.