The B-52's
The B-52's es un grop pop rock anglofòn american aparentat au movement new wave format a la fin de las annadas 1970 e originari de la ciutat d'Athens (Georgia). Es compausat de Fred Schneider (cant e percussions), de Kate Pierson (cant, percussions, clavièrs), de Keith Strickland (batariá, clavièrs, guitarra), de Cindy Wilson (cant, percussions) e de son fraire Ricky Wilson (guitarra, que defuntèt lo 12 d'octobre de 1985). Sus l'empont e en estúdio, de còps d'autres musicians en mai venon completar lo grop.
The B-52's s'es fach remarcar visualament per son estetica vintage (cofadura e vestits), mas tanben per lors fonts d'inspiracion variadas provenent de la pop cultura de las annadas 1950 e 1960. L'estili musical del grop es marcat pel cant rude de Fred Schneider que trenca amb las armonias vocalas de Kate Pierson e Cindy Wilson. L'instrumentacion ès volontàriament simplista, bastida a l'entorn de batariá, d'òrgues, de sintetizors e de las guitarras de Ricky Wilson acordadas de faiçon inabitualas.
Lo grop a agut mantuns succèsses, que los mai coneguts en Occitània son Love Shack en 1990 e Planet Claire en 1980.
En 1990, Kate Pierson faguèt un duò ambe Iggy Pop (Candy), e en 1991, a cantat sul tròç Shiny Happy People del grop rock american R.E.M., grop originari coma The B-52's de la ciutat d'Athens.
Discografia[modificar | Modificar lo còdi]
- 1979: The B-52's
- 1980: Wild Planet
- 1982: Mesopotamia (mini album)
- 1983: Whammy!
- 1986: Bouncing off the Satellites
- 1989: Cosmic Thing
- 1992: Good Stuff
- 2008: Funplex
Cançons mai conegudas[modificar | Modificar lo còdi]
- Rock Lobster (1979)
- Planet Claire (1980, basat sus la musica del Peter Gunn Theme compausada per Henry Mancini)
- Private Idaho (1980)
- Love Shack (1990)[1]