Telediario
Telediario ei eth programa informatiu espanhòu de television produsit per Televisión Española (TVE), era division de television dera emissora publica espanhòla Radiotelevisión Española (RTVE). Ei eth programa que mès temps s'a emetut ena istòria dera television en Espanha, donques que s'emet jornalièraments dempús deth 15 de seteme de 1957.
Tres edicions deth Telediario son produsides cada dia pes servicis informatius de Televisión Española. S'emeten en dirècte a La 1, en canau d'informatius 24 Horas, a TVE Internacional e a RTVE Play. Es edicions anteriores tanben son disponibles ara plataforma en linha jos demanda. Tanben se produsissen e emeten edicions internacionaus addicionaus a TVE Internacional.
Es centres territoriaus de TVE de cada comunitat autonòma produsissen e emeten informatius autonomics en cadua, un programa locau mès brèu emetut as 14.00 ores e dempús deth Telediario, cadun damb ua denominacion diferenta, en tot seguir eth format e era identitat visuau der informatiu nacionau.
Oraris d'emission[modificar | Modificar lo còdi]
Es dies obrables, eth programa s'emet tres còps ath dia (totes es ores basades en CET/CEST):
- 06:30: Telediario Matinal (version maitiau)
- 15:00: Telediario 1 (version meddia)
- 21:00: Telediario 2 (version ath ser)
Es dimenjades e dies non obrables, per contra, s'emet eth Telediario Fin de Semana.
Informatius territoriaus[modificar | Modificar lo còdi]
As 14.00 ores e dempús deth Telediario, era senhau se desconnècte dera estatau pr'amor que cada comunitat autonòma pogue eméter un informatiu autonomic, en tot aufrir informacion de proximitat e tanben enes lengües cooficiales.
| Comunitat autonòma | Nòm deth programa | Lengua |
|---|---|---|
| Andalosia | Noticias de Andalucía | Castelhan |
| Aragon | Noticias de Aragón | Castelhan |
| Astúrias | Panorama regional | Castelhan |
| Ilhes Balears | Informatiu Balear | Catalan |
| Comunitat Autonòma Basca | Telenorte/Gaurkoak | Castelhan, basc |
| Isles Canàries | Telecanarias | Castelhan |
| Cantàbria | Telecantabria | Castelhan |
| Castelha-La Mancha | Noticias de Castilla–La Mancha | Castelhan |
| Castelha e Leon | Noticias de Castilla y León | Castelhan |
| Catalonha | L'informatiu | Catalan |
| Ceuta | Noticias de Ceuta | Castelhan |
| Extremadura | Noticias de Extremadura | Castelhan |
| Galícia | Telexornal | Galician |
| La Rioja | Telerioja | Castelhan |
| Comunitat de Madrid | Informativo de Madrid | Castelhan |
| Melilla | Noticias de Melilla | Castelhan |
| Region de Múrcia | Noticias de Murcia | Castelhan |
| Navarra | Telenavarra/Arin Arin | Castelhan |
| País Valencian | L'informatiu–Comunitat Valenciana | Catalan (valencian), |