Soire Comunautat
|
Issoire Communauté
| |
|---|---|
| Type d'intercomunalitat | Communauté de communes |
| País |  França
|
| Region | {{{reg}}} |
| Departament | {{{dept}}} |
| Nb. comunas | {{{nbcom}}} |
| Caplòc | {{{caplòc}}} |
| Superfícia | {{{superf}}} km² |
| Populacion | {{{pop}}} hab. (??) |
| Densitat | {{{dens}}} ab./km² |
| Data de créacion | - |
| President | - |
Soire Comunautat es una anciena comunautat de comunas francesa, situada dins le departament dau Puèi de Doma en region Auvèrnha Ròse Aups.
Istorica[modificar | Modificar lo còdi]
La comunautat de comunas siguèt constituida en janvèir 2003.
La lei no dau 7 aost 2015 portant nòva organizacion territoriala de la Republica, dita lei NOTRe, impausa a las intercomunalitats une populacion d'aumens 15 000 abitants. Soire Comunautat satisfait donca a aqueste critèri. Pasmens, un projèct de eschèma departamentau de cooperacion intercomunala (EDCI) dau Puèi de Doma, dévoilé le 5 octòbre 2015, perpausava la fusion embei las sèt autras comunautats de comunas dau País de Soire - Vau d'Alèir Sud (Ardes Comunautat mens La Gaudivèla, Bacin Minèir Montanha, Costaus d'Alèir, Cosa Vau d'Alèir, Lembron Vau d'Alèir, País de Çausselenjas e Puèis e Cosas).
A la data dau projèct, aquela fusion deviá constituir una intercomunalitat poblada de 54 000 abitants, e compausada de 92 comunas, dont 44 classadas en zòna de montanha. En seguida de doas fusions de doas comunas (Aulhat e Flat formant la comuna nòva de Aulhat e Flat ; Lenede e Orsonede formant Lenede e Orsonede), aquel nombre de comunas es menat a 90.
Adoptat en març 2016, l'EDCI modifia pas aquel perimètre. La futura estructura intercomunala sirá una comunautat d'aglomeracion ; la parat prefectorau dau 6 dicembre 2016 prononciant la fusion de las uèit comunautats de comunas menciona le nom de « Aglo País de Soire ».[1][2]
Territòri comunautari[modificar | Modificar lo còdi]
Geografia[modificar | Modificar lo còdi]
Soire Comunautat constituís l'una de las uèit intercomunalitats dau País de Soire - Vau d'Alèir Sud, au sud dau departament dau Puèi de Doma. Es a costat de las comunautats de comunas Cosa Vau d'Alèir au nòrd-oèst, Costaus d'Alèir au nòrd-èst, País de Çausselenjas a l'èst, Lembron Vau d'Alèir al sud e Puèi e Cosas a l'oèst.
Le territòri comunautari es desservit per l'autorota A75 permetent una connexion embei Clarmont-Farrand « en vint minutas » per ladita via rapida, o en trenta a quaranta minutas per le TER Auvèrnha. Possedís tanben un aerodròm au sud de la comuna de Soire.
Economia[modificar | Modificar lo còdi]
L'intercomunalitat possedís mai de v-una zòna d'activitats : zòna d'activitat de la Masa, pargue d'activitat de las Listas, pargue de las Crosetas « Jean Paquet », zòna artesanala dau Chapèl Roge, pargue industriau e tecnologic Lavaur-La Bechada.
Administracion[modificar | Modificar lo còdi]
Le sètge de la comunautat de comunas es situat vès Soire.
Los elegits[modificar | Modificar lo còdi]
La comunautat de comunas es gerida per un conselh comunautari compausat de 28 membres representant chascuna de las comunas membras.
Son despartits coma seguís : catòrze elegits per Soire, sèis per Perèirs, quatre per Le Bròc, tres per Melhau e un per Pardinas.[3]
Presidença[modificar | Modificar lo còdi]
En 2014, le conselh comunautari elegiguèt son president, Bertrand Barraud (cònsol de Soire) e designat sos sèis vicepresidents : Georges Chassany, Bernard Roux, José Chiodo, Joël Bortolotti, Jean-Pierre De Mulder e Ulrick Bronner.
Competenças[modificar | Modificar lo còdi]
L'intercomunalitat exercís de competenças qui li son delegadas per las comunas membras.
Las doas competenças obligatòrias (tres dempuèi 2016) son las seguentas :
- desvolopament economic : estudi de la mesa en plaça de nòvas zònas d'activitats economicas ; entreten, gestion e amainatjament de las zònas d'activitat industriala, comerciala, terciària o artesanala ; amainatjament, entreten e gestion de l'immobiliari d'entrepresa (dont pepinèiras e otèls d'entrepresas) ; promocion toristica dau site de las cavas de Perèirs ; pargue eolian de Pardinas ; torisme ;
- amainatjament de l'espaci comunautari : mesa en plaça de la politica de país ; SCOT e eschèma de sector ; competença sobre de projècts urbanistics estructurants ; charta locala architecturala e païsagèira ; agenda 21 ; sistèma d'informacion geografic ;
- gestion daus mitans aquatics e prevencion de las inondacions (obligatòria dempuèi le 1r de janvèir de 2016).
La comunautat de comunas faguèt la chausida de las competenças opcionalas seguentas :
- politica dau lotjament e dau quadre de vida ;
- accion sociala d'interès comunitari ;
- proteccion e mesa en valor de l'environament ;
- construccion, amainatjament, entreten e gestion daus equipaments esportius e culturaus d'interès comunautari (centre aqualudic e escòla de musica).
Las competenças facultativas son las seguentas :
- comunicacion e animacion ;
- labèl « País d'art e d'istòria » ;
- accessibilitat.
- ↑ Error en títol o url..
- ↑ Error en títol o urlDirection des collectivités territoriales et de l'environnement – Bureau du contrôle de légalité – Intercommunalité. ...
- ↑ Error en títol o urlDirection des collectivités territoriales et de l'environnement - Bureau du contrôle et de la légalité - Intercommunalité. . (pdf)..