Sherif

Un article de Wikipèdia, l'enciclopèdia liura.
Sauter à la navigation Sauter à la recherche
Perry Owens, sherif d'un comtat en Arizona

Sherif (en anglés sheriff) es le nom donat a una foncion politica e publica (en vigor al Reialme Unit, als Estats Units d'America, al Canadà, en Austràlia, en Irlanda e en Índia), e tanben a la persona encargada d'aquela foncion.

Reialme Unit[modificar | modificar la font]

La foncion de sherif es originària de l’Anglatèrra prenormanda. Lo tèrme nasquèt d'una contraccion dels mots anglosaxons Shire reeve, designant respectivament:

  • pel Shire, una circonscripcion administrativa similara a comtat;
  • pel reeve, un oficièr, agent d'un senhor feudal que fasiá aplicar l’òrdre d'entre los sèrvs del domèni.

Fin finala, lo sherif èra un grade superior de la quita foncion de Reeve, correspondent literalament a aquela d'un « viguièr de la comtat ». Après la conquista de l'Anglatèrra par Guilhèm l Conquerent, la foncion contunhèt, dins lo domèni de la vescomtat. Pren fin finala lo nom de sherif, alara que vescomte ven un títol ereditari de pariá.

Canadà[modificar | modificar la font]

Foncionnari de justícia encargat, al civil, de las sasidas e de las ventas forçadas en matèria imobilièra e, al penal, de la constitucion de lass juradas e de lor susvelhança pendent lo procés. Al Québec, es responsable per totas causas e del meteis biais que tot uissièr, garda o recebeire de las consignacions auriá podut o èsser, en vertut de las los del Canadà abans l'an 1759[1]. Es per exemple responsable dels actes dels ussièrs que nomena. Al nivèl federal, la (fr)Lei sus la falhida e l'insolvabilitat traduch lo mot « sherif » per huissier-exécutant (uissièr executant).

Estats Units d'America[modificar | modificar la font]

Sagèl del United States Marshals Service

Als EUA, lo sherif es un oficièr elegit, responsable de la justícia au nivèl d'un comtat d'un comtat. Cada Estat se divisa en comtats (levat Alaska e Loïsiana), que comprenon de municipalitats. Lo sherif es una mena de ministre de l'òrdre public sus son territròi. Es responsable de las prisons del comtat, dels tribunals civils, e de mesuras de prene per far aplicar las leis e reglaments. Le burèl del sherif es tanben encargat d'assegurar lo servici policièr dins las zonas non incorporadas come de donar de servicis de polícia municipalas amb contrate a las municipalitats que possedisson pas de polcíia. Per çò far, nomena de deputies (supleants o substituts) qu'an lo ròtle de policièr. Lo sherif es elegit cada 2 o 4 ans . En 2007, i aviá 3 084 sherifs que 40 femnas[2].

A l'epcòa de l'Oèst american, una foncion similara èra aquela de Marshal (o Town Marshal). Aqueles darrièrs èran nomenats o elegit segon los cases per assegurar las foncions de polícias dins las vilòtas. Los Marshals federals èran eles encargats d'intervenir sus de sectors mai espandits dins los territòris pionièrs. Lo tèrme es encara d'usatge subretot dins los Estats del Sud.

Austràlia[modificar | modificar la font]

Lo prètzfach del sherif foguèt establit en Austràlia en 1824. Lo ròtle del sherif evoluèt, executa los arrèsts de la cort de justcícia, a l'emplec de coroner, transfersís los presonièrs, administra las prisons e procedís a las execucions capitalas (quand existián)

Lo sherif es ara en granda partida responsable de l'execucion de las ordonanças de la cort (sasissent e vendent los bens dels debitor desfalhants), assegurant la seguretat de la cort, executa las arrestacions, expulsions, e gerís las juradas. Dins unes Estats executa d'autras sanccions coma sanctions coma la supression dels permises de conduire e organiza los servicis de l'òrdre de la comunautat e al darrièr recors procedís a las arrestacions.

Islàndia[modificar | modificar la font]

En Islàndia, los sherifs (or magistrates (islandés sýslumaður (singular), sýslumenn (plural)) son los administrators de l'Estat, titularis del poder executiu dins lor jurisdiccion e al cap dels burels delsherif. Los sherifs an per carga de matèrias certain en relacion a l'enregistrament e l'execucion dels òrdres de cort de justícia. Lo prètzfch dels sherifs difèra segon la jurisdiction mas se pòt destriar:

  • Prètzfach de totes los sherifs: afar de Maridatge (celebracion delmaridatge civil e enregistrament del matrimòni (quand es religiós), afars de majoritat sexuala, afars d'eritatge e mai.[3]
  • Prètzfach de totes los sherifs levat in Reykjavík: percepcion de la redevença publicas, publicacion de licéncias e permises per diferents afars personal e professionals e mai.[4]

I a 24 jurisdiccions e sherifs en Islàndia. Las jurisdiccions son pas definidas administrativament mas una mescla de Comtat e Municipalitat.

Índia[modificar | modificar la font]

D'entre la vilas d'Índia, sonque Bombai, Calcuta e Madras, las tres ancianas presidéncias britanicas, an un sherif. Lo sherif a un ròtle apolitic, non executiu. Los sherifs presidisson diferentas foncions al respècte de la vila e de reünions e acuèlh dels forastièrs. Van en segond après lo conse màger dins la lista de protocòl.

Republica d'Irlanda[modificar | modificar la font]

Sherifs son nomenats in Irlanda dempuèi la conquista normanda (fin delsègle XII) per aplicar los jutjaments de la cort justcíia. Ara, lo sherif (Modèl:Ga sirriam) es un oficièr que collècta las taxas al nom del Collector General. I a 16 sherifs dins lo país: 2 in Dublin, 2 in Cork e 12 dins lo rèsta del país. Aqueles dotzes son tanben County Registrars (grafi del comtat). Los sherifs fan executat lo pagament del deute ordonat per la cort. Aquò pòt prene la forma d'un pagament o, defautant, d'un prelèvament e se cal cession dels actius (de la proprietat e/o los seus contenguts).[6]

Galeriá de fotografias[modificar | modificar la font]

Notas e referéncias[modificar | modificar la font]

  1. Article 3 de la Lei suls sherifs
  2. Le nombre de femmes shérifs aux États-Unis est en hausse, Washington File, 21 novembre 2007
  3. [http://www.syslumenn.is/allir Verkefni allra sýslumanna] (is) prètzfaches de totes los sherifs 31/12/2012
  4. Verkefni sýslumanna utan Reykjavíkur (is) Prèztfach dels sherifs fròa de Reykjavík 31/12/2012
  5. [http://www.syslumenn.is/serstok-verkefni/ Sérstök verkefni sýslumanna (is) Prètzfach especial dels sherifs 31/12/2012
  6. [1]