Bombai

Un article de Wikipèdia, l'enciclopèdia liura.
Anar a : navigacion, Recercar
Tièra de 1000 articles que totas las Wikipèdias deurián aver.

Bombai (en marata Mumbai, en anglés oficial Mumbai dempuèi 1995, en anglés tradicional Bombay), es la capitala de Maharashtra, un estat de l'Índia Occidentala. Es la ciutat mai granda d'Índia e una de las sièis aglomeracions pus grandas del Mond. Es una vila costièra d'a pauc près 18 100 000 abitants situada dins una baia prigonda.

Lo nom Mumbai es un eponim, derivat etimologicament de Mumba (lo nom de la deessa indó locala Mumbadevi) e d'Aai (que vòl dire «maire» en marata). Al sègle XVI, los portuguesés an nomenat l'airal Bom Bahia, es a dire "baia bona". Lo nom a evolucionat cap a Bomaím, e un còp la vila presa pels britanics, lo nom foguèt anglicizat en Bombay.

Bombai es la capitala comerciala d'Índia, es lo sètge d'importantas institucions financièras coma la Reserve Bank of India, la Borsa de Bombai (Bombay Stock Exchange) e las oficinas centralas de divèrsas entrepresas indianas. A causa de las immensas oportunitats de negòci que i a a Bombai e del nivèl de vida relativament naut, la ciutat atira d'immigrants d'Índia tota e del sud-èst d'Asia, causa que n'a fach una veritabla barreja de comunitats e culturas.

S'i tròba tanben lo centre neuralgic de l'industria indiana del cinèma e de la television, lo complèxe nomenat Bollywood (nom creat a semblança d'Hollywood USA), que produtz lo pus grand nombre annal de filmes del mond. Bombai es tanben una de las raras ciutats que tenon un pargue nacional dins los sieus limits municipals, lo Sanjay Gandhi, o Borivali.

Bombai