Rudolf Steiner
| Rudolf Steiner | |
 Lo René Guénon de las montanhas | |
| Nom de naissença | Rudolf Joseph Lorenz Steiner |
|---|---|
| Nacionalitat | Austria |
| Òbras | |
| Une théorie de la connaissance chez Goethe | |
| Prèmis | |
| Medalha Subba Row (1909) | |
 | |
modificar  |
|
Rudolf Steiner, nascut lo 27 de febrièr de 1861 a Donji Kraljevec (Croàcia, reialme d'Ongria) e mòrt lo 30 de març de 1925 a Dornach (Soïssa), es un poligraf e ocultista Austrian.
Principalament conegut coma fondator de l'anthroposofia, una doctrina espirituala, va dins un segond temps prepausar sus la basa d'aquela doctrina, de las aplicacions dins lo domeni de l'educacion, l'agricultura e de la medecina. Persistisson a l'ora d'ara per mantuna disciplina.
Escrivan prolific, es l'autor de mai de vint obratges sus la filosofia, l'ocultisme e l'espiritualitat, e a tengut mai de sièis mila conferéncias transcrichas uèi dins mai de tres cents volums a partir de nòtas (en granda partida non tornadas legir per el).
Après d'estudis abreujats a la Technische Hochschule de Viena (universitat tecnica de formacion dels engenhaires), trabalha a la Goethe und Schiller-Archiv de Weimar (Archius de Goethe e Schiller) coma responsable de l'edicion de las òbras scientificas de Goethe. Es puèi redactor en cap del Magazin für Literatur a Berlin.
Vengut membre de la "Societé théosophique", puèi secretari general de la seccion alemanda en 1902, se'n separa dètz ans mai tard per fondar la Societé anthroposophique a la quala consacrarà las quinze darrièras annadas de sa vida. Pendent aquestas quinze annadas lo centre de son activitat se situarà a Dornach, près de Basilèa, en Soïssa.
Es sustot conegut per èsser estat a la basa de la pedagogia Steiner-Waldorf, un corrent pedagogic fondat sus sas concepcions.
Biografia
[modificar | Modificar lo còdi]Enfança e educacion
[modificar | Modificar lo còdi]Rudolf Steiner nais de parents austrians a Nieder Kraliewitz en 1861 (Kraljevec), a l'epòca partida del reialme d'Ongria, uèi en Croàcia. En 1869, sa familha s'installa a Neudörfl, uèi en Àustria. Dintra al collègi modèrn e tecnic (Realschule) de Wiener Neustadt en 1872 e tres ans mai tard comença de s'interessar a la filosofia. En 1877, estúdia la pensada de Kant.
Après sos estudis segondaris, contunha a estudiar la filosofia, en particular Fichte. En octobre, ven estudiant a l'Escòla superiora tecnica de Viena e se liga amb son professor de literatura, Karl Julius Schröer, filològ e grand coneisseire de l'òbra de Goethe. Seguís egalament dels corses de filosofia a l'universitat. En 1880 fa la coneissença de Félix Kogutzki (1833-1909), lo culheire de « simples » (èrbas medicinalas o aromaticas) que l'inícia a l'ocultisme tradicional e li auriá fach encontrar un « mèstre espiritual » eminent.
En 1882, Schröer recomanda Steiner a Josef Kürschner, coma editor de l'òbra scientifica de Goethe. La familha Steiner s'installa a Inzersdorf am Wienerberge, dins los entorns de Viena. En 1883, acaba lo primièr volum per Josef Kürschner (parucion en 1884). En octobre met fin a sos estudis superiors perque s'interèssa mai a la filosofia.
Mort
[modificar | Modificar lo còdi]Rudolf Steiner se morís lo 30 de març de 1925 dins la vila de Dornach a l'edat de 64 ans.
Autobiografias
[modificar | Modificar lo còdi]- (fr) Autobiographie, Éditions Anthroposophiques Romandes, Genève 1979
- (fr) Textes autobiographiques - Document de Barr, Éditions Anthroposophiques Romandes, Genève 1988
- (de) Zur Geschichte und aus den Inhalten der Erkenntniskultischen Abteilung der Esoterischen Schule 1904-1914, Rudolf Steiner Verlag, Dornach, 1987