Postrolhàs

postrolhàs

[ɑ̃grɛ], [ɑ̃glɛ]
Parlat en	Albania
Region	Euròpa
Locutors	5 (annadas 1980)
Classificacion lingüistica
postrolhàs
Estatut oficial
Oficial de	cap
Còdis lingüistics

Lo postrolhàs es un pidgin infantil parlat per un pichon grop d'enfants dins las annadas 1980 dins lo mitan diplomatic a Tirana, en Albania. Es descrich pel paire de tres d'aquelas, lo linguiste Marcèl Cortiada. Es inacabada que moriguèt abans d'acabar l'article en referéncia.

Descripcion

Parlat per cinc gojatas, locutoras o pas d’albanés, d’anglés, de francés, d’occitan, de polonés, de romaní e de sèrbocroat, èra nomat pels enfants [ɑ̃glɛ] o [ɑ̃grɛ] (anglés) o ben postrolhàs.

Fonologia

Prononciacion	Lexèma	Traduccion	Etimologia
[gɔ]	go	filha	anglés girl
[bʌg]	bag	bèl, gròs	anglés big
[kəməm]	komom	ven aquí, anatz	anglés come on
[bekoz]	bécoz	perqué	anglés because
[mi]	mi	ieu	anglés me o italian mi o sèrbocroat ми
[luk]	louk	agacha	anglés look
[ko̞m]	kom	vèni	anglés come
[kʌmɨn]	kamin	venent	anglés coming

Gramatica

Al contrari de la majoritat de las lengas naturalas parladas pels enfants, lo postrolhàs a pas d'article definit, nimai de flexion. Fa pas de distinccion de genre nimai de nombre.

Lo plural es marcat per l'anteposicion de lotlot, de l'anglés a lot.

La transitivitat verbala es marcada pel sufix -it: takit, pren o givit, dona. Revèrta lo sufixi -im del tok pisin.

Lexic

Emai se l'anglés èra pas conegut de doas de las cinc utilizairas del postrolhàs, la màger part del lexic èra tirada d'aquela lenga.Avèm pasmens de mots tirats d'autras lengas:

Prononciacion	Lexèma	Traduccion	Etimologia
[operat͡sjone]	opératsione	operacion(s)	italian operazione
[ik]	ik	partir	albanés ik
[ɲi]	nyi	un, una	albanés një
[kut͡ɕi]	koutchi	a l'ostal	sèrbocroat кући
[hajde]	haydé	anatz	albanés, sèrbocroat e romani hajde
[vasta]	vasta	man(s)	romaní vasta
[jakha]	yakha	uèlh(s)	romaní jakha
[gono]	gono	saca(s)	romaní gono
[ʃero]	chéro	cap(s)	romaní śero
[nak]	nak	nas	romaní nakh