Pong

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'una partida de pong.

Pong es un videojòc sortit en 1972. Premier jòc d'arcada d'espòrt, foguèt imaginat per Nolan Bushnell (nascut en 1943), desvolopat per Allan Alcorn (nascut en 1948) e comercializat per Atari. Fòrça popular, foguèt lo premier videojòc que venguèt un succès comerciau.

Lo jòc es inspirat d'una partida de tennis de taula estilizat. Cada jogaire s'afronta en desplaçant verticalament una raqueta virtuala gràcias a un boton rotatiu. L'objectiu es de gardar la bala dins la zòna de jòc. Es possible de cambiar la direccion de la bala en foncion de l'endrech onte tòca la raqueta. La velocitat aumenta pauc a pauc durant la mancha. Un afichatge dau descòmpte de la mancha en cors e d'efiechs sonòrs completavan aquel ensems.

La bòrna d'arcada de Pong foguèt un succès amb 8 000 exemplaris venduts en 1973. Puei, lo jòc foguèt portat sus de consòlas de salon. En mai d'aquò, amb una chifra d'afaires de 40 milions de dolars en 1975, incitèt d'autrei companhiás d'imitar lo concèpt, çò que marquèt lo començament de l'industria dau videojòc.

Liames intèrnes[modificar | modificar la font]

Bibliografia[modificar | modificar la font]

  • (en) Steven Kent, The Ultimate History of Video Games: From Pong to Pokemon : The Story Behind the Craze That Touched Our Lives and Changed the World, Three Rivers Press, 2001.

Nòtas e referéncias[modificar | modificar la font]