Piromorfita
La piromorfita es un minerau incolòr, verd ò brun qu'a una duretat de 3,5-4,0 e una densitat de 7,04. Es formada de clorofosfat de plomb (simbòl quimic : Pb5(PO4)3Cl) cristallizat segon un sistèma exagonau de classa bipiramidala. Dins la natura, forma generalament de cristaus prismatics corts de basa exagonala ò d'agregats globulars. Son esclat es resinós ò adamantin.
Es un minerau segondari eissit de l'alteracion de mineraus de plomb que pòu èsser associada ambé la cerusita, la smithsonita, l'emimorfita, l'anglesita, la malaquita, la leadhillita, la wulfenita ò la mimetita. Es de còps utilizada coma minerau de plomb mai aquel usatge es rar.