Felip Carbona

Felip Carbona
	;
Biografia
Naissença	16 de julhet de 1944 (80 ans); Fois
President ; Collègi d'Occitània
	2010 – decenni de 2020 ; ← Jòrdi Passerat – Carina Maury →
President ; Institut d'Estudis Occitans
	1997 – 2001
Donadas personalas
Prèmis
	(2001) prèmi Pau Froment; laureat de l'Acadèmia dels Jòcs Florals ;

Felip Carbona (en francés Philippe Carbonne, Fois, 16 de julh de 1944)^[1] es un matematician e universitari occitan. Foguèt president de l'Institut d'Estudis Occitans de 1997 a 2001 e es actualament membre del Grop de Lingüistica Occitana.

Biografia

Felip Carbona nasquèt a Fois en 1944. Anèt a l'Escòla Normala Superiora e obtenguèt puèi l'agregacion e lo doctorat d’Estat en matematicas ^[2]. Pasmens se limitèt pas als estudis scientifics vist que ten una mestresa de Letras Modèrnas. Ensenhèt las matematicas e mai l’occitan a l'Universitat de Tolosa e s'engatgèt d'a fons dins l'occitanisme. Foguèt vicepresident responsable del sector de recèrca de l'Institut d'Estudis Occitans entre 1981 e 1986 abans de ne venir son president de 1998 a 2002. A mai foguèt president de l'Escòla Occitana de 1995 a 1998.

Per son prètzfach recebèt mantun prèmi coma lo de l’Acadèmia dels Jòcs Florals, en 1980 lo prèmi Josèp Salvat, lo prèmi Pau Froment, lo prèmi Pèire Godolin e mai lo Jansemin d'argent.

A la retirada dempuèi qualques ans contunha pasmens d'èsser actiu dins l'occitanisme. Es actualament president del Collègi d'Occitània e contunha de dirigir la revista lo Gai saber que capitaneja dempuèi 1982. Es tanben un dels membres de l'Acadèmia Occitana-Consistòri del Gai Saber.

Òbras

Traucs dins lo nonrés (2004)
Divèrses articles dins los Quasèrns de lingüistica occitana.
Camparòls, Ensag de nomenclatura (1996)
Lo romavatge avorat dins los Actes du colloque J. Salvat (1989).

Referéncias

↑ Generalitat de Catalonha. «Membres del Grop de Lingüistica Occitana (GLO). Currículums». Archiu de l'original del 13 d'abril de 2012.
↑ http://collegioc.org/file.php/1/Autors/Carbona%20F.pdf

Ligams extèrnes

Precedit per
Robèrt Martí

President de l'IEO
1997 - 2001

Seguit per
Dàvid Grosclaude

[1] Generalitat de Catalonha. «Membres del Grop de Lingüistica Occitana (GLO). Currículums». Archiu de l'original del 13 d'abril de 2012.

[2] ttp://collegioc.org/file.php/1/Autors/Carbona%20F.pdf

[1]

[2]