Grop de Lingüistica Occitana

Un article de Wikipèdia, l'enciclopèdia liura.
Salta a la navegació Salta a la cerca

Lo Grop de Lingüistica Occitana (GLO) es una entitat qu'a per tòca d'"elaborar los trabalhs prealables perque se pòsca prepausar independentament las formas lingüisticas de l'occitan que conven que lo Secretariat de Politica Lingüistica emplegue, de resòlvre los dobtes lingüistics que pòdon aparéisser durant la realizacion dels projèctes del Secretariat de Politica Lingüistica e d'elaborar de proposicions e resòlvre de questions de contengut lingüistic quand li son presentadas".

Foguèt creat en julhet de 2008 a partir d'una iniciativa d'en Jusèp Loís Sans, e compta mantes lingüistas que foguèron causits per cada region de lenga occitana. Son president n'es, dempuèi novembre de 2009, l'istorian e lingüista lengadocian, Patrici Pojada.

Istòria[modificar | modificar la font]

Lo Grop de Lingüistica occitana s'ideèt a la Val d'Aran e a l'encòp Barcelona per tal de portar de solucions pontualas a la difusion de l'occitan, a sa coneissença e a son adaptacion terminologica dins d'encastres ont fasián sofracha de solucions. Lo grop espeliguèt en seguida de l'elaboracion d'un traductor automatic occitan-catalan/catalan-occitan que foguèt realizada per una comission que gropava ja una part importanta dels membres actuals del GLO. Lo projècte foguèt portat per Jusèp Loís Sans, del Burèu "Occitan en Catalonha".

La primièra amassada del GLO se faguèt a Barcelona en octobre de 2008 e foguèt seguida de divèrses rencontres a Vielha (febrièr de 2009), París (junh de 2009) e Dronièr (octobre de 2009) entre d'autres. Lo Grop de Lingüistica Occitanan foguèt la basa de la publicacion de material de tota mena, dempuèi de documents divulgatius en catalan coma Elements bàsics de llengua occitana escrich per Aitor Carrera fins a un Vocabulari de novèlas tecnologias en occitan bastit en collaboracion amb lo Termcat. Lo GLO participèt activament amb qualques membres sieus dins las sessions que se faguèron al Parlament de Catalonha dins l'encastre de la Lei per l'occitan.

Membres del GLO[modificar | modificar la font]

Los membres del grop son los meteisses que participèron a la Comission del traductor automatic (per òrdre alfabetic):

S'i apondèron los membres seguents a partir de la creacion del GLO: