Paul Meyer

Un article de Wikipèdia, l'enciclopèdia liura.
Anar a : navigacion, Recercar

Marie-Paul-Hyacinthe Meyer, nascut lo 17 de genièr de 1840 a París e mòrt lo 7 de setembre de 1917, èra un filològ francés.

Paul Meyer comencèt per l’estudi de la literatura occitana anciana abans de bastir una òbra considerabla dins fòrça domenis diferents de la literatura de las lengas romanicas. Foguèt considerat dins son temps coma una de las autoritats màgers sus la lenga francesa.

En 1863, integrèt la seccion dels manuscriches a la Bibliotèca Nacionala de França. En 1876, venguèt professor de lengas e literaturas d’Euròpa Meridionala al Collègi de França. En 1882, venguèt director de l’École des Chartes puèi, l'annada seguenta, foguèt fach membre de l’Acadèmia de las Inscripcions e Bèlas Letras. Foguèt un dels fondaires de la revista francesa Revue critique e tanben de la revista de lingüistica Romania (1872) e un de sos principals collaboradors.

Òbras[modificar | modificar la font]

  • Rapports sur les documents manuscrits de l'ancienne littérature de la France conservés dans les bibliothèques de la Grande-Bretagne (1871)
  • Recueil d'anciens textes bas-latins, provençaux et français (2 partidas, 1874-1876)
  • La Chanson de la Croisade contre les albigeois - commencée par Gullaume de Tudèle et continuée par un poète anonyme (2 volums, 1876-1879)
  • Alexandre le Grand dans la littérature française du moyen âge (2 volums, 1886).
  • L'Apocalypse en français au XIIIème siècle (Paris MS fr. 403) (1900-1, amb Léopold Delisle)
  • Documents linguistiques du midi de la France (Ain, Basses-Alpes, Hautes-Alpes, Alpes-Maritimes) (1909)
  • Aye d'Avignon (1861), amb Guessard
  • Flamenca (1865)
  • L’Histoire de Guillaume le Maréchal (3 t., 1892-1902)
  • Raoul de Cambrai (1882), amb Auguste Longnon
  • Fragments d'une vie de Saint Thomas de Canterbury (1885)
  • Guillaume de la Barre (1894).

Referéncias[modificar | modificar la font]