Occitània (revista, 1905)
Occitània foguèt una revista catalanooccitana, creada en genièr de 1905 per l'escrivan catalan Josep Aladern e l'occitan Prospèr Estieu. Perpetua una longa tradicion de relacions entre d'occitans e de catalans (originada per Víctor Balaguer e Frederic Mistral), voliá crear de ligams entre escrivans occitans e catalans aviá coma sostítol: "revista literària e sociala de las tèrras de Lenga d'òc". La revista, que sortissiá cada mes, passèt pas jamai d'aver un tiratge superior a una cinquantena d'exemplaris. S'arrestèt al cap de dètz numèros (en octòbre de 1905).
I collaborèron pel costat catalan l'escrivan Angel Guimerà, l'alguerés Joan Pais, Eugeni d'Aurs, lo malhorquin Miquel Còsta e Llobera e lo valencian Teodor Llorente e pels occitans Antonin Perbòsc e Loís Funèu entre d'autres.