Mont Fuji
|
Mont Fuji
富士山 | |
|---|---|
| OpenStreetMap | . |
 Lo Mont Fuji culminant a 3.776 metres | |
| Geografia | |
| Altitud | 3 776 m |
| Massís | |
| Coordenadas | 35° 21′ 38″ N, 138° 43′ 39″ E |
| Administracion | |
| País |  Japon
|
| Region | Chūbu |
| Prefectura | Shizuoka e Yamanashi |
| Ascension | |
| Primièra | 663 pel monge bodista En no Gyōja |
| Via pus aisida | |
| Geologia | |
| Edat | entre 4000 e 5000 ans |
| Ròcas | Basalta e Picrobasalta |
Lo Mont Fuji (富士山, Fujisan, /ɸɯꜜdʑisaɴ/) es la montanha mai nauta de l'illa de Honshū e de Japon, amb una altitud de 3776 mètres[1]. Se tròba entre las prefecturas de Shizuoka e Yamanashi dins la region de Chūbu e al sud-oèst de l'aglomeracion de Tòquio, d'ont se pòt observar un jorn desencrumit.[2]
Lo Mont Fuji es un estratovolcan conic qu'es considerat coma actiu malgrat que sa darrièra erupcion remonte al 16 de decembre de 1707 e 22 de genièr de 1708.
Se tròba a sa cima un observatòri meteorologic e la montanha, malgrat las dificultats d'ascension, es presada coma una destinacion toristica, mai que mai entre los meses de julhet e la fin d'agost, particular pels Japoneses, per que la montanha es un simbòl religiós e tradicional.[3]
Lo Mont Fuji es un Ben protegit de l'Unesco reconegut en 2013: Fujisan, luòc sacrat e font d'inspiracion artistica.[4]
Toponomia
[modificar | Modificar lo còdi]En japonés, los kanjis que compausan « Mont Fuji » se legisson Fujisan, respectivament 富 e 士, significan « riquesa » o « abondància » e « un òme amb un certan estatut ».
Entre 300 e 400 montanhas a Japon son escaissadas « Fuji ». Es sustot lo cas del mont Rishiri (apelat « Rishiri Fuji »), del mont Yōtei (« Ezo Fuji »), del mont Iwaki (« Tsugaru Fuji »), del mont Iwate (« Nanbu Fuji » o « Nanbu Kata Fuji »), del mont Chōkai (« Dewa Fuji »), del mont Bandai (« Aizu Fuji »), del mont Haruna (« Haruna Fuji »), del mont Nantai (« Nikkō Fuji »), del mont Mikami (« Ōmi Fuji »), del mont Daisen (« Hōki Fuji » o « Izumo Fuji »), o encara del mont Kaimon (« Satsuma Fuji »)[1].
Geografia
[modificar | Modificar lo còdi]
Lo pic del Mont Fuji amb una altitud de 3 776 mètres, apelat Shin-Fuji[5], es la montanha mai nauta de Japon[1][6]. Es entornejat pels monts Akaishi dels Alps Japoneses a l'oèst, los monts Okuchichibu al nòrd e l'ocean Pacific al sud e a l'èst. Administrativament, es situat a caval sus las prefecturas de Shizuoka al sud e de Yamanashi al nòrd e se situa a mens de 100 quilomètres de la vila de Tòquio.
Cultura
[modificar | Modificar lo còdi]
Considerat ja dempuèi l'Antiquitat coma un luòc particular, lo mont Fuji es una montanha sacrada dempuèi lo sègle 7en. Segon lo shintoïsme, un emperador ordenèt de destruire la cima de la montanha per s'exiliar de l'immortalitat que possedissiá: lo fum que se n'escapa de còps es a causa d'aquela pocion qu'es consumida. En mai, segon la mitologia japonesa, los dieus shintoïstas Fuji-hime e Sakuya-hime i vivián amb lo nom de Kono-banasakuya-hime, "princessa que fa florir los arbres" (sustot los cerièrs).
Lo mont Fuji es un còn volcanic atractiu e es un tèma recurrent dins l'art japonés. Lo trabalh qu'a mai de renom es l'òbra màger 36 vistas del mont Fuji del pintor d'ukiyo-e, Hokusai. Tanben apareis dins la literatura japonesa e es lo tèma de fòrça poèmas.
Referéncias
[modificar | Modificar lo còdi]
- ↑ 1,0 1,1 et 1,2 (ja) « 富士山 » sus dictionary.goo.ne.jp
- ↑ (en) « Fujisan » sus encyclopedia.com de Oxford University Press
- ↑ (en) « A reverent ascent » sus National Geographic
- ↑ Mount Fuji, UNESCO
- ↑ (en) « Fujisan » sus lo sit web de Smithsonian Institut National Museum of Natural History Global Volcanism Program
- ↑ (en) « Mount Fuji » sus Enciclopedæ Britannica