Vejatz lo contengut

Miquèu Sent Raimond

Un article de Wikipèdia, l'enciclopèdia liura.

Miquèu Sent Raimond, o Michel Saint-Raymond en francés, vadut en 1947 dens lo Savés a Agassac (Gasconha tolosana, Occitània), qu'ei un umorista e comedian occitan. Actor de teatre en occitan o en francés[1] (meilèu en francitan[2] d'alhors), Miquèu Sent Raimond a représ sus l'empont dins las annadas 2000 lo ròtle de La Catinou[3], personatge femenin emblematic de la cultura populara occitana deu país mondin[4] creat en 1944 per Carles Molin e interpretat a l'origina per Gaston Dominique dinc au son decès en 1965[5], devengut plan popular sus las ondas de Ràdio Tolosa tan plan au teatre en Lengadòc[6], Guiana e Gasconha dens las annadas 1950 e 1960.[7]

A part Lou Paysan d'Agassac, un album au format 33 torns en 1982 d'istòrias sia en francés (en francitan), sia en occitan (en gascon deu Savés), puish un aute aqueste còp integralament en gascon en 2003 au format CD (Ac savès ?), Miquèu Sent Raimond qu'a tanben publicat dens las annadas 90 caishetas de scenetas en francés meridionau (en francitan).

Qu'ei tanben l'autor d'ua gramatica gascona segon lo parlar deu Savés.[8]

  • 1982 : Lo Paysan d'Agassac
  • 2003 : Ac savès ?[9]
  1. https://www.saint-raymond.fr/francais.html
  2. https://web.archive.org/web/20190504005327/http://collegechampdeymet.com/spip.php?article125
  3. https://www.saint-raymond.fr/theatre.html
  4. https://www.catinouetjacouti.fr/nos-spectacles/
  5. https://catinou.fr/articles.php?lng=fr&pg=17&mnuid=4&tconfig=#z2
  6. https://www.catinouetjacouti.fr/nos-spectacles/
  7. https://www.ladepeche.fr/2022/11/09/le-retour-de-catinou-et-jacouti-10791696.php
  8. https://www.macarel.org/livres-dictionnaires-et-methodes/P97092/grammaire-gasconne-parler-du-saves
  9. https://www.ladepeche.fr/article/2003/10/03/194889-saint-raymond-conteur-occitan-accents-savoureux-gascon-plaine.html