Catinon e Jacotin

Un article de Wikipèdia, l'enciclopèdia liura.
Salta a la navegació Salta a la cerca

Catinon e Jacotin (grafia originala de l'autor: <Catinou e Jacouti>) son dus personatges comics inventats per Carles Molin en 1945.

Damòran dins le vilatge nomenat Minjacebas.

Minjacebas qu'es un quartièr de la comuna de Sent Lis (Hauta Garona), en Gasconha tolosana.

Catinon es una hemna galharda, que parla e desparla, e es maridada au Jacotin, un magrinòt, popavin e soent pèc. Aqueres personatges imaginaris foncionan coma Laurel e Hardy e se tròban dins la premsa escriuta o au teatre.

Atau, Catinon e Jacotin son 4000 pèças de teatre jogadas. Un detzenat de libres tirats a 50 000 exemplars cadun. Un vintenat de libret de Catinon e Jacotin, venuts per la Despacha a 5 milions d'exemplars au totau. Aqueste duo mitic, portat per l'actor excepcionau, qu'estèc Gaston Dominique (1903-1965).

Ambe la mòrt de Dominique, las emissions e la pèças de Catinon e Jacotin s'arrestèren. Carles Molin contunhèc sas cronicas de Catinon e Jacotin dins la Despacha. La premsa regionala ne publica totjorn.

Una associacion aperada Païs de Catinou e Jacouti, creada a Sent Lis en 1995, celèbra cada an, a la prumèra dimenjada d'octòbre, Catinon e Jacotin. Aquera associacion menada per Didier Heuillet (president), Patric Lasseube (secretari) e Nicolau Rei Bèthvéder (vice-president) es devenguda, ambe lo creish important de la seccion bilingua francés-occitan a las escòlas sentlisians, l'actor de la promocion de l'occitan a Sent Lis.