Metau alcalinoterrós
Lei metaus alcalinoterrós (var. metals alcalinoterroses), son un grop de sièis elements quimics dau segond grop de la taula periodica (berilli, magnèsi, calci, estronci, bari e radi) qu'an de proprietats similaras :
- an un sosjaç s saturat amb dos electrons que pòdon aisament partir per permetre la formacion d'un cation portaire de doas cargas electricas positivas.
- dins lei condicions normalas de pression e de temperatura, son de metaus blanc argent, lusent e quimicament reactius.
Plusors elements d'aqueu grop èran coneguts per leis alquimistas qu'adoptèron lo tèrme « alcalinoterrós » per descriure la resisténcia a la calor de seis oxids. Totei leis alcalinoterrós, franc dau radi, an uei d'aplicacions importantas dins l'industria.