Magnèsi

Un article de Wikipèdia, l'enciclopèdia liura.
Anar a : navigacion, Recercar


Lo magnèsi es un element quimic de simbòl Mg e de numèro atomic 12. Se presenta jos la forma d'un metal blanc brilhant, amb un aspècte pro semblant al de l'argent. Es un dels elements mai abondoses de la planeta, l'ochen dels que se tròba dins la natura, e lo cinquen metal aprèp l'alumini, lo fèrre, lo calci e lo sòdi. A l'encòp representa lo tresen compausant de las sals de l'aiga de mar. Es un dels elements essencials pels èssers umans. Aital lo magnèsi se situa coma l'onzen element mai present en foncion de la massa dins lo còs uman que sos ions son essencials per totas las cellulas vivas.

Ten una densitat de 1,74, valent a dire qu'es la mai febla demest los metals, se n'exceptam lo liti e lo berilli. Fond a 650º C e se volatiliza a 1.120º C.

Fonts de magnèsi dins l'alimentacion[modificar | modificar la font]

La font primièra de magnèsi per l'alimentacion es pro sovent d'origina cerealièra. Pr'aquò, los produches faches a partir de cerealas integralas ou amb de farina completa pòrtan entre 3 e 5 còps mai d'aqueste element que los produches rafinats (pan blanc, ris blanc polit, ...).

(Las quantitats seguentas correspondon a una porcion de 100 g)

  • la sal de Nigari, un extrach natural de sal marina (11.500 mg}}
  • la frucha de mar ne ten 410 mg
  • son seguits de prèp per la melassa (de 197 a 242 mg),
  • lo cacao (amb 150 a 400 mg)
  • las cerealas completas (contenon entre 100 a 150 mg)
  • la carróbia ne conten a l'entorn de 55 mg
  • los espinarcs de 50 a 100 mg, mas a l'encòp contenon d'acid oxalic, çò qu'entrepacha son assimilacion.
  • en fin, lo peis tanben possedís entre 25 e 50 mg de magnèsi.

D'autres aliments pòdon provesir de magnèsi: legums verds, sarrasin, las favas, las ametlas e las bananas.