Maria Antònia Salvà

Maria Antònia Salvà i Ripoll (Palma, 4 de novembre de 1869 - Llucmajor, 29 de genièr de 1958) foguèt una poetessa e traductritz malhorquina. Es considerada coma la primièra poetessa modèrna en lenga catalana e foguèt una figura màger de la Renaixença a las Balearas. Son fraire, Antoni Salvà i Ripoll, foguèt un politician e avocat de las islas, qu'aguèt tanben un ròtle important per la preséncia sociala e culturala del catalan.

Es importanta dins l'occitanisme qu'ajudèt a la divulgacion de la literatura occitana dins los Païses Catalans. Aital tradusiguèt doas òbras de Frederic Mistral en catalan malhorquin: Leis isclas d'aur (Les illes d'or) e Mirèlha (Mireia).

Biografia

Maria Antònia Salvà nasquèt en 1869 dins la capitala de las Islas Balearas, Palma, al sen d'una familha de proprietaris rurals amonedats. Tresena e darrièra enfant de l'avocat Francesc Salvà de sa Llapassa i Salvà e de Maria Josepa Ripoll i Palou, coneguèt pas gaire sa maire, que se moriguèt quand aviá pas que qualques meses. Foguèt mandada alara a las proprietats familialas de Llucmajor ont foguèt abalida per sas tantas fins a l'edat de 6 ans. Foguèt en aquel temps que tornèt viure a Palma amb son paire.

Foguèt discipola del poeta balear Miquel Costa i Llobera. Granda admiradora de l'òbra del poèta catalan Jacint Verdaguer, foguèt gràcias a una traduccion qu'aqueste faguèt de Nèrta que la jove escrivana s'interessèt als escriches de Frederic Mistral.

Òbras

Jocs de nins (1903)
Poesies (1910)
Espigues en flor (1926)
El retorn (1934)
Llepolies i joguines (1946)
Cel d'horabaixa (1948)
Lluneta del pagès (1952)
Entre el record i l'enyorança (1955)

Ligams extèrnes