Magnesita

Un article de Wikipèdia, l'enciclopèdia liura.
Sauter à la navigation Sauter à la recherche
Fotografia d'un tròç de magnesita.

La magnesita es un minerau de color variable (iincolòr, blanc, jaune ò brun) qu'a una duretat de 4,0-4,5 e una densitat de 3. Es format de carbonat de magnèsi (simbòl quimic : MgCO3) cristallizat segon un sistèma trigonau de classa ditrigonala escalenoedrica. Lei cristaus son rars e pòdon èsser prismatics, romboedrics ò escalenoedrics. Pasmens, dins la natura, aqueu minerau se troba generalament sota la forma de massas microcristallinas. Son esclat es veirenc ò nacrat.

La magnesita se troba coma minerau segondari dei ròcas amb una concentration fòrta de magnèsi (serpentina, olivina... etc.), dins certanei cauquiers ò dolomitas e, rarament, dins de venas metallifèras. Es generalament associat ambé lo talc, la clorita, la calcita e divèrsei mineraus metallifèrs. Es utilizada coma minerau de magnèsi e a d'aplicacions variadas dins la metallurgia, l'industria farmaceutica, la fabricacion de refractaris ò de ciments especiaus.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]