Linha C dels trens de banlèga de Tolosa

Un article de Wikipèdia, l'enciclopèdia liura.

Linha C
La linha C en direccion de l'estacion Arenas.
La linha C en direccion de l'estacion Arenas.
Mapa
Lo traçat de la linha en occitan

Malhum Trens de banlèga de Tolosa
TER d'Occitània
Obertura Junh de 1993
Darrièra extension 1èr de setembre de 2003
Terminus Arenas
Colomèrs Gara SNCF
Espleitador SNCF
Tisséo (estacions e bus relais)
Conduita (sistèma) Conductor
Material utilizat X 73500, AGC (B 81500) e Régiolis
Punts d'arrèst 6
Longor 7 km
Temps de percors 15 min
Distància mejana entre punts d'arrèst 1400 m
Comunas desservidas 2 (Tolosa, Colomèrs)
Jorns de foncionament Totes los jorns
Frequentacion
(mej. per an)
610 676 (2016)[1]
Linhas connèxas Linha A del mètro de Tolosa Linha B del mètro de Tolosa Linha D del malhum dels transpòrts en comun de Tolosa Linha F del malhum dels transpòrts en comun de Tolosa Linha T1 del tramvai de Tolosa Linha T2 del tramvai de Tolosa

La linha C dels trens de banlèga de Tolosa es una linha de trens urbans, espleitada sus una seccion de la linha de Sent Anha a Aush. La linha es espleitada per la SNCF dins l'encastre dels TER d'Occitània e es integrada al malhum de Tisséo e son tarificament.

Istòria[modificar | Modificar lo còdi]

La linha C es nascuda lo 26 de junh de 1993, conjuntament a l'inauguracion de la linha A del mètro. La linha figura dempuèi aquesta data sus las mapas del malhum de transpòrts en comun tolosenc, la Semvat puèi Tisséo[2]. L'ofèrta de servici aviá çaquelà pas estat modificada : lo tèrme «linha C» designava unicament, a l'epoca, l'acòrdi tarifari entre los dos malhums.

Doas augmentacion d'ofèrta foguèron mesas en plaça mantunas annadas après, per la creacion dels primièrs trens afectats a la linha C, mes en plaça entre Arenas e Colomèrs unicament, ambe arrèst a las Capelas.

En setembre de 2003, un melhorament màger de l'infrastructura foguèt mes en servici, qu'a donat a la linha C son imatge actual. Après doas annadas d'interrupcion totala de trafic en estiu, per permetre la realizacion dels trabalhs, la via foguèt doblada parcialament entre Sant Çubran – Arenas e Colomèrs e tres estacions suplementàrias foguèron creadas : Lo TOEC, Sent Martin de Toish e Ramassièrs. La grilha orària foguèt revista a l'ocasion, prepausant dempuèi aquesta data un doble cadenciament a la mieja-ora en setmana.

Percors[modificar | Modificar lo còdi]

Traçat[modificar | Modificar lo còdi]

Longa de 7km, la linha C compta sièis estacions dempuèi Arenas (Tolosa), a l'èst, fins a la gara de Colomèrs, a l'oèst.

Son trajècte debuta al nivèl de la gara de Sant Çubran – Arenas, a l'oèst de Tolosa, en correspondéncia ambe la linha A del mètro e las linhas T1 e T2 del tramvai. Desservís alara lo quartièr de las Arenas e lo licèu de las Arenas, atal que lo Zénith de Tolosa Metropòli se troba a proximitat de l'estacion. La linha contunha après son trajècte cap a l'oèst, bordejant lo tramvai e passant a costat de l'ipodròm de la Cepèira, abans d'arribar sus la gara del TOEC. La linha passa alara al dessús del periferic de Tolosa e atenh la gara de Lardèna, puèi contunha son camin cap a la gara de Sent Martin de Toish. Los trens passan après jos la rocada D980 bordejan d'entrepresas aeronauticas de Sent Martin de Toish, e arriban sus la gara dels Ramassièrs, primièra gara situada parcialament sul territòri de la comuna de Colomèrs. Enfin, la linha termina son trajècte en bordejant l'avenguda Georges Sand e arriba sus la gara de Colomèrs, cap occidental de la linha.

Lista de las estacions[modificar | Modificar lo còdi]

Afichatge en francés de las estacions dins un tren omnibus afectat a la linha C.
      Estacion Coordenadas Comuna Correspondéncias Tisséo Ret Arc-En-Ciel / TER
    Arenas
43° 35′ 36″ N, 1° 25′ 07″ E Tolosa Mètro de Tolosa Linha A del mètro de Tolosa
Tramvai de Tolosa Linha T1 del tramvai de Tolosa Linha T2 del tramvai de Tolosa
BHNS de TolosaL2L3​​​​​​​​​​​​​​
Bus de Tolosa143467Stadium​​​​​​​​​​​​
Parcatge relai
305
(TER) 21 (Matabiau - Aush)
    Lo TOEC 43° 35′ 44″ N, 1° 24′ 05″ E Tolosa BHNS de TolosaL2​​​​​​​​​​​​​​​
    Lardena 43° 35′ 48″ N, 1° 23′ 03″ E Tolosa Bus de Tolosa46​​​​​​​​​​​​​​​ (TER) 21 (Matabiau - Aush)
    Sent Martin de Toish 43° 35′ 59″ N, 1° 22′ 18″ E Tolosa Parcatge relai
    Los Ramassièrs 43° 36′ 09″ N, 1° 21′ 11″ E Tolosa e
Colomèrs
Bus de Tolosa3263​​​​​​​​​​​​​​
Parcatge relai
    Colomèrs
Gara SNCF
43° 36′ 13″ N, 1° 20′ 02″ E Colomèrs BHNS de TolosaL2​​​​​​​​​​​​​​​
Bus de Tolosa213255150​​​​​​​​​​​​
Parcatge relai
305, 343
(TER) 21 (Matabiau - Aush)

Infrastructura[modificar | Modificar lo còdi]

Linha non-electrificada, a 2/3 en dobla via, en simple via de cada costat de la gara de Lardèna (entre lo pont sul periferic e lo pont sul Toish).

Sistèma de regulacion BAPR, vitessa limitada a 100km/h.

Particularitats[modificar | Modificar lo còdi]

Los trens circulan à drecha e pas a esquèrra sus la seccion a dobla via entre las garas de Colomèrs e de Lardèna.

Entre Lardèna e las Arenas, malgrat la seccion a dobla via, totes los trens circulan sus la meteissa via, a l'excepcion d'aquels en direccion e cap a Aush o L'Isla de Baish desservissent pas lo TOEC.

Espleitacion[modificar | Modificar lo còdi]

Los trens circulant sus la linha C son espleitats per la SNCF jos l'autoritat de la region Occitània, dins l'encastre del malhum TER d'Occitània.

La linha C es desservida per :

Material rotlant[modificar | Modificar lo còdi]

Los trens los mai sovent utilizats pels trens dedicats a la linha C son de Régiolis e d'AGC de tipe B 81500.

Los autres trens son egalament de Régiolis e d'AGC de tipe B 81500, e de X 73500 a mantun elements.

Ofèrta de servicis[modificar | Modificar lo còdi]

Frequéncia e amplitud[modificar | Modificar lo còdi]

La linha C benefícia del cumul de doas ofèrtas de servici :

  • los trens regionals de la linha Tolosa - Colomèrs - Aush, relation no 16 del malhum TER d'Occitània, ne desservissent que pontualament Lardèna. Frequéncia d'environ 30 minutas a 1 òra ;
  • los trens afectats a la linha C, desservissent totas las estacions. Frequéncia de 30 minutas en òra d'afluéncia d'una òra en òras calmas.

Las frequéncias son reduchas las dimenjadas e jorns feriats.

Los trens circulan de 6h a 21h40.

Tarificament[modificar | Modificar lo còdi]

La linha C es accessible per dos tarificaments :

  • lo tarificament urban Tisséo, rendent las correspondéncias ambe las linhas de mètro, tramvai, BHNS e bus sens suplement de prètz ;
  • lo tarificament estandard dels TER d'Occitània (SNCF), tarificament kilometric, podent èsser integrada a un percors mai lòng.

Trafic e projèctes[modificar | Modificar lo còdi]

En 2004, lo trafic de la linha C, seguida a las amelioracions de 2003, passèt d'environ 7 000 passatgièrs a 38 000 passatgièrs per mes.

Acabament del doblament de la via ferrada[modificar | Modificar lo còdi]

L'acabament de la dobla via ferrada es a l'estudi, sus 1800 mètres entre las PK 10,940 e 12,800. Aquesta operacion s'acompanhariá de la supression dels passatges a nivèl n°15 (Lardèna) e 16 (Sent Martin del Toish) per obratge desnivelat, del reamainatjament de la gara de Lardèna e de l'alongament dels cais en fonccion del material rotlant[3].

Espandiment de la linha[modificar | Modificar lo còdi]

Es de còps evocat l'oportunitat d'espandir lo dispositiu d'acòrd tarifari cap a Tolosa Matabiau d'un costat, e Brats Legavin de l'autre.

Correspondéncia ambe la tresena linha de mètro[modificar | Modificar lo còdi]

La tresena linha de mètro deu aver son terminus a la gara de Colomèrs[4].

Nòtas e referéncias[modificar | Modificar lo còdi]

  1. Cumul de la frequentacion de las 6 estacions de la linha : https://ressources.data.sncf.com/explore/dataset/frequentation-gares/table/
  2. Mapa del malhum en 2002
  3. (fr) Acabament del doblament de la via ferrada entre Arenas e Colomèrs (linha d'Aush)
  4. (fr) Métro : la 3e ligne de Colomiers à Labège, La Despacha del Miègjorn, 31 de març de 2016.

Vejatz tanben[modificar | Modificar lo còdi]

Articles ligats[modificar | Modificar lo còdi]

Ligams extèrnes[modificar | Modificar lo còdi]