TER d'Occitània

Un article de Wikipèdia, l'enciclopèdia liura.
Salta a la navegació Salta a la cerca

Lo TER d'Occitània es lo malhum de linhas TER que cobrís la region administrativa Occitània, autoritat organisatritz dels transpòrts dempuèi lo 7 d'agost de 2017. Aqueste malhum es lo resultat de la fusion dels ancians malhum TER de Miègjorn-Pirenèus e TER de Lengadòc Rosselhon pròpris a las ancianas regions.

Lo TER d'Occitània comenguèt en , amb los ancians malhums TER, une frequentacion de 21 milions de viatjaires suls 543 trens de las 20 linhas ferroviàrias e 43 linhas per autocarris del malhum, circulant sus un ret ferroviari de 2 514 km e entre 274 garas e punts d'arrèst. Lo nombre de vitjaires per mejana jornalièra es d'unes 56 000, çò qu'equival a 3,66 viatges per abitant e per an[1].

Istòria[modificar | modificar la font]

Lo malhum apareguèt après la fusion de las dos regions administrativas del Miègjorn Pirenèus e del Lengadòc-Rosselhon, lo 1èr de julhet de 2017.

Abans la fusion de las regions[modificar | modificar la font]

Estats Generals del Rail e de l'Intermodalitat[modificar | modificar la font]

A partie d'abril de 2016, la tota novela region Occitània organiza los Estats Generals del Rail e de l'Intermodalitat, una concertacion territoriala lançada per ensejar de definir una dralha clara pels ans a venir al subjècte del ferroviari e los desplaçaments en transpòrt en comun dins la region.

Unes punts sortiguèron de la concertacion, e constituisson d'òbras per la region:

  • Melhoracion de la "qualitat de servici". En 2016, los TER d'Occitània son mai sovent en retard, en mejana, al respècte del rèsta de França[2], una espèra principala dels usatgièrs essent la ponctualitat del servici, la region vol trabalhar sus aqueste punt. Un autre desir es de melhorar de correspondéncias entre TER e autocarris, mas tanben un melhor servici en gara e dins los trens.
  • L'armonizacion de la tarificacion. Des tarifs "mai lisibles", e "competitius" al respècte dels autres servicis, coma lo TGV o lo cotranspòrt. Es tanben previst, per 2020, una ofèrta "intermodala", regropant totes las transpòrts de la region (TER, transpòrts interurbans, etc).
  • Lo manten de linhas fragilas, e una adaptacion de l'ofèrta. Autrament dich, de tornar a un bon nivèl las infrastructuras de las pichonas linhas en mal estat, aumentar la frequéncia, e crear de novèlas arrèsts, per exemple en bòrd de plaja per un sercivi d'estiu.
  • Un accès melhors a las garas e trens pels usatgièrs de mobilitat reducha, malvesents o malentendents.
  • Investir dins las linhas granda velocitat, per aleugiar las linhas classicas e permetre d'i far circular mai de TER.
  • Organizar de transpòrts a la demanda e suprimir los doblons entre las ofèrtas ferroviàrias e rotièras quand existisson, e aquò, per racionalizar los costs.
  • Crear de pòls novèls d'escambis multimodals.
  • Coordinacion melhora entre los trens Intercités e TER.

Relacions TER[modificar | modificar la font]

  1. Tolosa - Sant Somplesi
  2. Tolosa - Albi - Rodés
  3. Tolosa - Fijac - Orlhac
  4. Albi - Galhac - Fijac
  5. La Sala - Vilafranca de Roergue
  6. Tolosa - Montpelhièr - Marselha
  7. Rodés - Fijac - Briva
  8. Rodés - Milhau - Sent Roma de Sarnon
  9. Tolosa - Castras - Masamet
  10. Tolosa - Carcassona - Narbona
  11. Tolosa - Fois - La Tor de Querol
  12. Tolosa - Murèth
  13. Longatge - Noèr - Sent Somplesi
  14. Tolosa - Montrejau - Luishon
  15. Tolosa - Tarba - Pau
  16. Tolosa - Colomèrs - Aush
  17. Tolosa - Montalban
  18. Tolosa - Agen - Bordèu
  19. Tolosa - Caors - Briva
  20. Solhac - Sent Daunís de Martèl
  21. Narbona - Montpelhièr - Avinhon
  22. Cervera - Montpelhièr - Avinhon
  23. Cervera - Perpinhan - Narbona
  24. Perpinhan - Vilafranca - Vernet - La Tor de Querol-Enveig
  25. Nimes - Alès
  26. Nimes - Aigasmòrtas - Lo Grau dau Rei
  27. Mimes - Alès - Clarmont-Ferrand
  28. Besièrs - Milhau - Clarmont-Ferrand
  29. Carcassona - Limós - Quilhan
  30. Montpelhièr - Milhau - Sant Africa
  31. Mende - Clarmont-Ferrand
  32. Montpelhièr - Mende

Tarificacion[modificar | modificar la font]

Material rotlant[modificar | modificar la font]

Lo pargue rotlant du TER d'Occitània es exclusivament eritat de las dotacions TER de las ancianas regions Mièjorn-Pirenèus e Lengadòc-Rosselhon.

Sintèsi del pargue lo 19 de genièr de 2018

Serias Nombre de caissas SMP[3] SOC[4] SLR[5] Totala
BB 7200 10 10
B 81500 3 o 4 caissas 18 9 27
B 83500 4 caissas (M) 18 18
X 72500 2 caissas 8 8
X 73500 mono-caissa 27 11 38
Z 100 2 a 3 caissas 13 13
Z 150 3 caissas 2 2
Z 7300 2 caissas 26 26
Z 7500 2 caissas 3 3
Z 27500 3 o 4 caissas 19 37 56
Z 54900 4 caissas 11 11
Z 56300 6 caissas 6 6

Al primièr trimèstre de 2018, lo pargue del material rotlant de la region es constituit de 218 unitats. Lo pargue es gerit per tres supervisions tecnicas de flota (STF)[6]

De relacions TER son tanben realizadas amb de veituras Corail.

Marcatge[modificar | modificar la font]

Los trens del malhum TER d'Occitània son, gaireben totes, marcat amb las colors de las ancianas regions Miègjorn-Pirenèus e Lengadòc-Rosselhon.

Nòtas e referéncias[modificar | modificar la font]

  1. La region compta 5 730 753 abitants per una superfícia de 72 724 km2.
  2. modèl {{Ligam web}} : paramètre « url » mancante paramètre « titre » mancant.
  3. direccion Miègjorn-Pirenèus)
  4. direccion Occitània
  5. direccion Lengadòc-Rosselhon
  6. http://trainsso.pagesperso-orange.fr/page9.html).

Vejatz tanben[modificar | modificar la font]

Article connèxe[modificar | modificar la font]

Ligams extèrnes[modificar | modificar la font]