Linha B del mètro de Tolosa

Un article de Wikipèdia, l'enciclopèdia liura.
Salta a la navegació Salta a la cerca
Pagina d'ajuda sus l'omonimia Pels articles omonims, vejatz Linha B.

Mètro B
Edicul de l'estacion Minimes-Claudi Nogaròu.
Edicul de l'estacion Minimes-Claudi Nogaròu.
Mapa
Traçat de la linha en francés.

Malhum Mètro de Tolosa
Obertura 30 de junh de 2007
Terminus Bòrdaroja
Ramonvila
Espleitador Tisséo
Conduita (sistèma) Automatica
Material utilizat VAL (208 NG, 208 NG2)
Depaus d’estaca Bòrdaroja
Punts d'arrèst 20
Longor 15,7 km
Temps de percors 27 min
Distància mejana entre punts d'arrèst 826 m
Comunas desservidas 2 (Tolosa, Ramonvila e Sent Anha)
Jorns de foncionament Totes los jorns
Frequentacion
(mej. per an)
57 000 000 (2018)
1èr / 2
Linhas connèxas Linha A del mètro de Tolosa Linha C del malhum dels transpòrts en comun de Tolosa Linha D del malhum dels transpòrts en comun de Tolosa Linha T1 del tramvai de Tolosa Linha T2 del tramvai de Tolosa

La linha B del mètro de Tolosa es una de las doas linhas del mètro tolosenc. Religa l'estacion Bòrdaroja al nòrd, a l'estacion Ramonvila, sus la comuna de Ramonvila e Sent Anha, al sud-èst.

La linha B es longa de 15,7 kilomètres. Passa pels quartièrs del nòrd de Tolosa de Bòrdaroja, Barrièra de París e dels Minimes, puèi traversa los baloards al nivèl de Compans-Caffarelli, davala cap al centre-vila, puèi vèrs los quartièrs del sud de Tolosa de Sent Miquèl, En Palòt, Sent Anha e Ranguèlh, per finir son percors a Ramonvila e Sent Anha.

La linha es la segonda linha del mètro tolosenc, obèrta en 2007 après 6 ans de trabalhs. Fa uèi l'objècte d'un projècte de perlongament al sud, en direccion de l'INPT, afin d'establir una connexion ambe la futura tresena linha del mètro.


Mapa de la linha

Istòria[modificar | modificar la font]

Cronologia[modificar | modificar la font]

  • 1998 (3 de març) : Causida de la tecnologia del VAL de Matra, dejà utilizada sus la linha A[1].
  • 2001 (11 de mai) : Signatura dels primièrs contractes per la realizacion de la linha[2].
  • 2001 (agost) : Debut dels trabalhs[3].
  • 2006 (decembre) - 2007 (mai) : Jornadas pòrtas obèrtas per desvelar las estacions al public[4][5].
  • 2007 (27 de mai) : Debut dels tèsts en condicion reala[6].
  • 2007 (30 de junh) : Inauguracion e mesa en servici de la linha B[7].

Estudis e construccion[modificar | modificar la font]

L'entrepresa Matra Transport International foguèt causida en 1998[1] per fornir la via d'equipament, las faciadas de las estacions, los malhums electrics, los automatismes, lo pòst de contròla, e trenta-cinc trens de tipe VAL, per un montant total de 1,6 miliard de francs.

Del fach de la longor importanta de la linha, e per securizar sa planificacion e sos còsts, l'obrador del gròs-òbra de la linha B foguèt copat en 6 lòts[8] per un montant total previsional de 6,35 milliards de francs[2] :

Entitolat Estacions Detalhs de las construccions Entrepresas de trabalhs publics Montant
1 Trencada coberta nòrd Bòrdaroja Cap de linha nòrd (a cèl obèrt), tremuèja, tunèl, obratges de ventilacion e d'estarida de las aigas
2 Tunèl e estacions nòrd Trois-Cocus, La Vache, Barrière-de-Paris, Minimes, Canal-du-Midi, Compans-Caffarelli, Jeanne-d'Arc Tunèl, obratges de ventilacion e d'estarida de las aigas. Campenon Bernard, Eiffage 749 millions de francs
3 Sector Joan Jaurés Joan Jaurés Tunèl, obratges e amainatjaments necessaris a l'estacion de correspondéncia ambe la linha A
4 Tunèl e estacions centre Francés Verdier, Carmes, Palais de Justícia, Sant Miquèl, En Palòt, Niel (estacion fantauma) Tunèl, obratges de ventilacion e d'estarida de las aigas. L'estacion fantauma Niel assura la ventilacion del tunèl e l'accès dels pompièrs Bouygues Travaux Publics, Soletanche Bachy, Razel, Demathieu & Bard, Malet 653 millions de francs
5 Tunèl e estacions sud Sent Anha, Sauselong, Ranguèlh, Facultat de Farmacia, Universitat Pau Sabatièr Tunèl, obratges de ventilacion e d'estarida de las aigas GTM Construction, Dumez-GTM, Spie Batignolles 463 millions de francs
6 Trencada coberta sud Ramonvila Cap de linha sud (a cèl obèrt), tunèl, obratge d'estarida de las aigas

Espleitacion[modificar | modificar la font]

La linha B foguèt inaugurada lo 30 de junh de 2007[7] per Jean-Louis Borloo (ministre de l'Ecologia), Joan Luc Modenc (cònsol de Tolosa), e Felip Douste-Blazy (president del Grand Tolosa).

Lo còst de construccion foguèt de 1 390 000 000€ HT (valor 2007), siá environ 89 M€/km (material rotlant inclús).

Per festejar la primièra annada de linha, Tisséo fa appel a l'agéncia de design global tolosenca KLD-Design atal qu'a l'artista de carrièra local Chat Maigre per decorar[9] uèch gàbias d'ascensors de la linha : Universitat Pau Sabatièr, Sent Anha-SNCF, Palais de Justícia, Carmes, Joan Jaurés, Joana d’Arc, Tres Cocuts, Bòrdaroja.

Dempuèi setembre de 2009, a l'ocasion del festenal Occitània, las anóncias vocalas de las estacions venentas se fa en francés e en occitan. Es la meteissa votz femenina qu'anoncia las estacions dins las doas lengas[10].

Lo divendres 6 de decembre de 2013, lo recòrd de frequentacion foguèt batut ambe 226 444 validacions[11].

Lo 9 de genièr de 2017, la ruptura d’una canalizacion dins lo quartièr Sent Anha provoca l’inondacion de l'estacion sosterranha Sent Anha-SNCF. L'estacion es barradura per una durada estimada de doas setmanas al mens, e lo trafic interromput al sud de l'estacion Sant Miquèl – Marcel Langer lo temps del pompatge de l’aiga amassada dins lo tunèl[12].

Lo 12 de genièr de 2018, la Comission Nacionala del Debat Public anóncia que la concertacion publica sul perlongament al sud, cap a la futura tresena linha del mètro, se tendrà del 29 de genièr al 23 de febrièr de 2018[13].

En 2018, per la primièra annada dempuèi l'obèrtura de la linha B, aquesta darrièra enregistra mai de validacions que la linha A : 57 milions contra 53,3 milions sus la primièra linha del mètro tolosenc[14]. Aqueste escart s'explica essencialament per la barradura estivala de la linha A pendent qualques setmanas, dins l'encastre dels trabalhs de doblament de sa capacitat.

Traçat e estacions[modificar | modificar la font]

Traçat[modificar | modificar la font]

La longor totala de la linha es de 15,7km e es entièrament sosterranha. La linha B desservís 20 estacions al total : 19 a Tolosa e 1 a Ramonvila e Sent Anha. Traversa Tolosa del nòrd, a Bòrderoja, al sud-oèst, a Ramonvila.

A notar qu'a l'excepcion de l'estacion Joan Jaurés del fach de sa correspondéncia ambe la linha A, totas las estacions son similaras dins lors configuracion.

La linha nais al nivèl de la plaça Maurina, al nòrd de Tolosa, dins lo quartièr de Bòrdaroja. La primièra estacion de la linha, al nòrd, es l'estacion Bòrderoja. Aqueste estacion possedís un parcatge relai. La linha davala après cap a l'estacion Tres Cocuts, dins lo quartièr dels Isards. Lo mètro passa après jos la linha ferroviària de Bordèu a Seta.

La linha davala alara vèrs lo sud, per arribar a La Vaca, estacion situada al nivèl de la carrièra Paul Verlaine, dins lo quartièr de la Barrièra de París. D'alhors, l'estacion venenta es l'estacion eponim, situada jos un giratòri, a proximitat de nombrós comèrcis. La linha contunha sa davalada, cap a las estacions Minimes-Claudi Nogaròu e Canal del Miègjorn, totas doas situadas dins lo quartièr dels Minimes. L'estacion Canal del Miègjorn se situa a costat del Conselh Departemental de la Nauta Garona, jos lo canal, e sos accès suls bòrds.

Un tren de la linha B del mètro tolosenc.

La linha intra après dins l'ipercentre tolosenc, ambe l'estacion Compans-Caffarelli, situada sul baloard de Las Croses. L'estacion desservís especialament lo quartièr d'afars omonim. Lo mètro effectua alara una bocla cap a l'èst per davala a l'estacion Joana d'Arc, a proximitat de la basilica de Sant Sarnin, sul baloard d'Estrasborg. L'estacion venenta es Joan Jaurés, estacion de correspondéncia ambe la linha A del mètro. L'estacion es situada a proximitat de la plaça Wilson, atal que de nombrós monuments tolosencs, coma la plaça del Capitòli.

Cais de l'estacion Palais de Justícia

La linha contunha cap al sud ambe l'estacion Francés Verdier, situada a costat del monument dels mòrts, sul crosament entre lo baloard Lazare Carnot e la carrièra de Metz notadament. La linha fa alara un escart vèrs l'oèst puèi vèrs lo sud ambe l'estacion dels Carmes, situada a costat del celebre mercat tolosenc. Lo mètro davala après cap al sud e l'estacion Palais de Justícia, a proximitat del Pont de Sent Miquèl. L'estacion es tanben lo terminus de las linhas T1 e T2 del tramvai de Tolosa. La linha davala après en passant jos la grand carrièra Sant Miquèl cap a l'estacion Sant Miquèl Marcel Langer, situada a proximitat del stadium.

Lo mètro contunha sa davalada vèrs lo sud, ambe l'estacion En Palòt e lo quartièr omonim. Passa alara al nivèl de l'estacion fantauma Niel, sola estacion fantauma del malhum tolosenc. La linha contunha après son trajècte vèrs l'estacion Sent Anha-SNCF, estacion en correspondéncia ambe la gara de Sent Anha. Puèi lo mètro davala cap a l'estacion Sauselong, atal que l'estacion Ranguèlh, a proximitat del quartièr résidencial omonim.

Lista de las estacions[modificar | modificar la font]

      Estacion Coordenadas Comuna Correspondéncias Tisséo Ret Arc-En-Ciel / TER
    Bòrdaroja 43° 38′ 27″ N, 1° 27′ 09″ E Tolosa Bus de Tolosa19263336404173114​​​​​​​​
Parcatge relai
Toulouse-Symbol-Car-2016.svg Hop!301, Hop!302, 329, 351, 354, 355
    Tres Cocuts 43° 38′ 17″ N, 1° 26′ 39″ E Tolosa Bus de Tolosa4161​​​​​​​​​​​​​​
    La Vaca 43° 38′ 01″ N, 1° 26′ 08″ E Tolosa Bus de Tolosa596069​​​​​​​​​​​​​
Parcatge relai
    Barrièra de París 43° 37′ 37″ N, 1° 26′ 02″ E Tolosa Bus de Tolosa152941110​​​​​​​​​​​​ Toulouse-Symbol-Car-2016.svg 351, 352, 372, 377
    Minimes
Claudi Nogaròu
43° 37′ 14″ N, 1° 26′ 09″ E Tolosa Bus de Tolosa29​​​​​​​​​​​​​​​
    Canal del Miègjorn 43° 36′ 56″ N, 1° 26′ 02″ E Tolosa Bus de Tolosa1570Cementèris​​​​​​​​​​​​​
    Compans-Caffarelli 43° 36′ 38″ N, 1° 26′ 09″ E Tolosa BHNS de TolosaL1​​​​​​​​​​​​​​​
Bus de Tolosa314563AeropòrtNoctambus​​​​​​​​​​​
Toulouse-Symbol-Car-2016.svg 343, 362, 363, 365, 369, 373, 388
    Joana d'Arc 43° 36′ 31″ N, 1° 26′ 43″ E Tolosa BHNS de TolosaL1L9​​​​​​​​​​​​​​
Bus de Tolosa152329394570AeropòrtCementèrisNoctambus​​​​​​​
Toulouse-Symbol-Car-2016.svg 318, 319, 357, 358, 359, 361, 364, 380, 383
    Joan Jaurés 43° 36′ 21″ N, 1° 26′ 56″ E Tolosa Mètro de Tolosa Linha A del mètro de Tolosa
BHNS de TolosaL1L8L9​​​​​​​​​​​​​
Bus de Tolosa142329CementèrisNoctambusVila​​​​​​​​​​
Toulouse-Symbol-Car-2016.svg 318, 319, 357, 358, 359, 361, 364, 380, 383
    Francés Verdier 43° 36′ 02″ N, 1° 27′ 07″ E Tolosa BHNS de TolosaL1L7L8L9​​​​​​​​​​​​
Bus de Tolosa142944​​​​​​​​​​​​​
Toulouse-Symbol-Car-2016.svg 318, 319, 357, 358, 359, 361, 364, 380, 383
    Carmes 43° 35′ 52″ N, 1° 26′ 44″ E Tolosa BHNS de TolosaL4​​​​​​​​​​​​​​​
Bus de TolosaVilaNoctambus​​​​​​​​​​​​​​
    Palais de Justícia 43° 35′ 32″ N, 1° 26′ 41″ E Tolosa Tramvai de Tolosa Linha T1 del tramvai de Tolosa Linha T2 del tramvai de Tolosa
BHNS de TolosaL4​​​​​​​​​​​​​​​
Bus de Tolosa31Noctambus​​​​​​​​​​​​​​
    Sant Miquèl
Marcel Langer
43° 35′ 08″ N, 1° 26′ 51″ E Tolosa BHNS de TolosaL4​​​​​​​​​​​​​​​
Bus de TolosaNoctambus​​​​​​​​​​​​​​​
    En Palòt 43° 34′ 48″ N, 1° 26′ 31″ E Tolosa BHNS de TolosaL5L9​​​​​​​​​​​​​​
Bus de Tolosa54​​​​​​​​​​​​​​​
    Sent Anha
SNCF
43° 34′ 49″ N, 1° 26′ 59″ E Tolosa Trens de banlèga de Tolosa Linha D del malhum dels transpòrts en comun de Tolosa
Bus de Tolosa34115Noctambus​​​​​​​​​​​​​
(TER) 21, 22, 23, 24, 25
    Sauselong 43° 34′ 47″ N, 1° 27′ 33″ E Tolosa Bus de Tolosa44​​​​​​​​​​​​​​​ Toulouse-Symbol-Car-2016.svg 383
    Ranguèlh 43° 34′ 30″ N, 1° 27′ 42″ E Tolosa Bus de Tolosa2380​​​​​​​​​​​​​​
    Facultat de Farmacia 43° 34′ 05″ N, 1° 27′ 52″ E Tolosa Bus de Tolosa4478Noctambus​​​​​​​​​​​​​
    Universitat Pau Sabatièr 43° 33′ 39″ N, 1° 27′ 48″ E Tolosa Bus de Tolosa34445456788182115Espital de RanguelhNoctambus​​​​​​ Toulouse-Symbol-Car-2016.svg Hop!303, 350, 383
    Ramonvila 43° 33′ 21″ N, 1° 28′ 35″ E Ramonvila e Sent Anha BHNS de TolosaL6​​​​​​​​​​​​​​​
Bus de Tolosa27377988111112​​​​​​​​​​
Parcatge relai
Toulouse-Symbol-Car-2016.svg Hop!303

Estacions particularas[modificar | modificar la font]

L'accès, condemnat, a l'estacion Niel.

Correspondéncias[modificar | modificar la font]

Parcatges relais[modificar | modificar la font]

Tres parcatges relais pels automobilistas arribant de la banlèga :

  • Bòrdaroja, dont lo parcatge dispausa de 1130 plaças.
  • La Vaca, dont lo parcatge dispausa de 440 plaças.
  • Ramonvila, dont lo parcatge dispausa de 1050 plaças.

Obradors e depaus[modificar | modificar la font]

Lo depaus de la linha es situada al nòrd, après l'estacion Bòrdaroja.

Servici[modificar | modificar la font]

Lo trajècte dura 26 minutas e 30 segondas[15].

Material rotlant[modificar | modificar la font]

La linha es una linha de VAL, espleitada ambe de VAL 208 NG e NG2. Contrariament a la linha A, los VAL 206 e 208 de primièra generacion son pas utilizats sus aquesta linha.

Personal d'espleitacion[modificar | modificar la font]

En çò Tisséo, existís diferentas tascas que devon èsser efectuadas per permetre una bona gestion de la linha de mètro[16] :

  • La mantenença del material rotlant es efectuada per d'electronicians, d'electricians, de mecanicians e enfin de carrocièrs, que velhan al bon foncionament dels trens.
  • La mantenença dels installacions e dels infrastructuras.
  • L'espleitacion del mètro automatisat es gerit per d'operators del mètro, dempuèi una sala de contròla.
  • La comunicacion e l'informacion dels viatjaires.
  • La qualitat e lo respècte de l'environament son especialament gerits per de cargats d'estudis.
  • La seguretat es gerida per de verificators de percepcion, d'agents de prevencion atal que de responsables d'equipas.
  • L'engenheria atal que los projèctes son gerits per d'engenhaires, de caps de projècte e d'assistents metòde.

Lo mètro es çaquelà principalament gerit per d'operators del mètro, atal que per d'agents d'entreten.

Trafic[modificar | modificar la font]

Aqueste tablèu recapitula lo trafic segon las annadas de la linha B :

2007[N 1] 2008 2009 2010 2011 2012 2013 2014 2015 2017 2018[14]
17 300 000 38 900 000 40 900 000 44 200 000 46 799 322 50 000 000 51 900 000 52 300 000 52 100 000 53 900 000 57 000 000

Torisme[modificar | modificar la font]

La basilica de Sant Sarnin, accessible dempuèi l'estacion Joana d'Arc.

La linha B traversa Tolosa del nòrd-oèst al sud-èst, e desservís de nombrós monuments et quartièrs toristics, coma :

Nòtas e referéncias[modificar | modificar la font]

Nòtas[modificar | modificar la font]

  1. La feble frequentacion de l'annada 2007 es ligada a l'obèrtura de la linha al mieg de l'annada, en junh.

Referéncias[modificar | modificar la font]

  1. 1,0 et 1,1 (fr) Yves Marc, Toulouse. C'est Matra...d'une courte tête !, La Despacha del Miègjorn, 3 de març de 1998.
  2. 2,0 et 2,1 (fr) Coup d'envoi de la ligne B du métro, signature des premiers contrats (3,8 MdsF)., La Despacha del Miègjorn, 11 de mai de 2001.
  3. (fr) Agnès Tremoulet, Toulouse. Métro : de l'encombrement sur toute la ligne, La Despacha del Miègjorn, 19 d'agost de 2001.
  4. (fr) Toulouse. Compans. Portes ouvertes à la station Compans-Caffarelli, La Despacha del Miègjorn, 8 de decembre de 2006.
  5. (fr) Anne-Marie Chouchan, Toulouse. Métro. La station des Carmes dévoilée, La Despacha del Miègjorn, 21 de mai de 2007.
  6. (fr) Philippe Emery, Toulouse : le métro de tous les records, La Despacha del Miègjorn, 30 de mai de 2007.
  7. 7,0 et 7,1 (fr) Eric Cabanis, Jean-Louis Borloo inaugure la ligne B du métro de Toulouse, La Despacha del Miègjorn, 1èr de julhet de 2007.
  8. (fr) Toulouse. Métro: 3,5 milliards sur les rails, La Despacha del Miègjorn, 10 de mai de 2001.
  9. (fr) Ascenseurs métro Toulouse, KLD-Design.
  10. (fr) Sylvie Roux, Toulouse. Métro. Une nouvelle "voix" occitane pour annoncer les stations, La Despacha del Miègjorn, 4 de mai de 2011.
  11. (fr)Philippe Emery, Toulouse. Record de fréquentation battu pour Tisseo : 708 209 voyages en un jour, La Despacha del Miègjorn, 14 de decembre de 2013.
  12. (fr) Hélène Menal, Toulouse: Inondée, la station Saint-Agne restera fermée pendant au moins deux semaines, 20 Minutes, 9 de genièr de 2017.
  13. (fr) Toulouse. Prolongement de la ligne B : feu vert pour la concertation, La Despacha del Miègjorn, 12 de genièr de 2018.
  14. 14,0 et 14,1 (fr) Chiffres clés 2018, Tisséo.
  15. (fr) Horaires du métro, Tisséo.
  16. (fr) Mestièrs e emplecs, Tisséo.

Vejatz tanben[modificar | modificar la font]

Articles ligats[modificar | modificar la font]

Ligams extèrnes[modificar | modificar la font]