Licèus Pardalhan
Los licèus Pardalhan que son dus establiments francés d’ensenhament segondari e majorau que demòran 57 camin de Baron, dins la villa d’Aush en lo departament de Gers. Que i a 1350 liceans dins los licèus
( 580 au professionau e 770 au generau e technologic) e 110 estudiants ( en BTS Management deus unitats commerciaus e en BTS Torisme). Que i a un internat per las gojatas e un per los gojats d’ua capacitat de 340 plaças. Que i a tamben ua estanqueta de 160 mètres cairats ont i a 4 ordinadors disponibles per los estudiants. Situada au centre de la ciutat escolara, que permes de beneficiar d’un espaci convivent de rescontre, de desparada e de partatge. Las filièras prepausadas aus licèus Pardalhan que son variadissas e nombrosas, au licèu generau e technologic , 4 bachelierats que son prepausadas depuish la classa de prumiera : la filièra literària, l'economica e sociala, la scientifica e la sciéncias e tecnologias deu management e de la gestion. Au licèu professionau, que i a sèt filièras prepausadas, dus CAP:
-emplegat de venda
E cinc bachelierat professionaus :
-arcuelh
-gestion-administracion
-acompanhament, suenh e servici per la personna
-cosina/servici
Origina deu nom
[modificar | Modificar lo còdi]Lo nom deus licèus Pardalhan que vien de Loís Enric de Pardalhan de Gondrin , tanben apelat lo marqués de Montespan e qu'ei originari de Gondrin.
Istòria
[modificar | Modificar lo còdi]Enter las annadas 1945 e 1975 , la populacion de la villa d'Aush qu'a doblat çò qu'a incitat lo maire Jean Dours e la municipalitat de la villa de construsir , dins lo barri deu Baron , un navèth licèu , lo de Pardalhan.
Lo vielh licèu de la plaça Salinis , reservat aus gojats , que sei hèit un collègi qu'ei mixte com lo licèu Pardalhan.
Que i a avent au segult ua renovacion enter 2006 e 2012 sancerament finançada per la region Miegjorn-Pirenèus. Çò qu'a costat en tot 13,46 milion d'euros. Aquesta renovacion qu'a permétut un agrandiment de la bugaderia de la seccion ostalèra atau coma la renovacion de dus bastiments deu licèu generau e technologic damb la crompa d'equipament ( videoprojectors, tablèus numerics interactius, mòbles de classa... ) e la concepcion d'ua salla per praticar las lengas( anglés , castelhan , italian , alemand , latin , grèc e occitan(gascon))
La seccion ostalèra
[modificar | Modificar lo còdi]La seccion ostalèra qu'ei ua filièra que regropa estudiants en servici , en ostaleria e en cosina ( gastronomica, panisseria e pastisseria ). Aquesta seccion que balha la possibilitat d'ua insercion professionala e d'un apraticament de las coneishenças aquesidas damb un restaurant pedagogic e un d'aplicacion.
L'espòrt
[modificar | Modificar lo còdi]Lo licèu Pardalhan que dispausa de divèrsas installacions esportivas endehòras com per exemple la piscina municipala d'Aush o lo bòsc d'Aush. Que dispausa tamben d'ua salla per la musculacion dins lo licèu e d'ua salla per divèrs espòrts , lo gimnasi Pardalhan , partatjat damb divèrsas associacions esportivas.