Panthera pardus

Pels articles omonims, vejatz Leopard e Pantèra.

Leopard

Leopard mascle african

Classificacion
Règne	Animalia
Embrancament	Chordata
Sosembr.	Vertebrata
Classa	Mammalia
Sosclassa	Theria
Infraclassa	Eutheria
Òrdre	Carnivora
Sosòrdre	Feliformia
Familha	Felidae
Sosfamilha	Pantherinae
Genre	Panthera

Nom binominal

Panthera pardus
(Linnaeus, 1758)

Estatut de conservacion UICN

( VU )
VU A2cd : Vulnerable

Estatut CITES

Annèxe I , Rev. del 01/07/1975

Lo leopard es una de las cincs espècias existentas del genre Panthera, membre de la familha dels Felidae ^[1] . Es present dins una larga aira de reparticion en Africa subsariana, dins d'unas parts de l'Asia occidentala e centrala, dins lo sud de Russia e sul soscontinent indian fins en Asia del sud èst e de l'èst. Es repertoriat coma vulnerabla sus la lista roja de l'UICN car las populacions de leopards son amenaçadas per la perda e la fragmentacion de son abitat e son en declin dins de grandas partias de l'aira de reparticion mondiala. Lo leopard es considerat coma atudat localament a Hong Kong, a Singapor, en Corèa del Sud, en Jordania, al Marròc, al Togo, als Emirats arabs units, en Ozbequistan, en Liban, Mauritània, Koweït, Siria, Libia, en Tunisia e benlèu en Corèa del Nòrd, en Gambia, Laos, Lesotho, Tatgiquistan, Vietnam e Israèl ^[2]^[3]. Los archius contemporanèus suggerisson que lo leopard se trapa pas que dins 25 % de son aira de reparticion mondiala istorica^[2]^[3].

Descripcion

Lo leopard es un mamifèr que pesa adulte entre 35 kg e 80 kg e mesura entre 90 cm e 1,60 m, fins a 1,90 m per la sosespècia africana. La femèla es en general pus pichòta que lo mascle.

De leopards pòdon èsser negres e son alara sonats « pantèra negra »; s’agís pas d’una sosespècia distinta mas d’una variacion ligada a una mutacion genetica sonada melanisme : la forradura consèrva sas tacas, mas son pas visiblas dins los pels.

Costumas

Caça sonque de nuèch e sòl passar la jornada aconsomit dins la vegetacion, dins las tutas d'autres animals o, mai sovent, sus la branca d'un arbre que los escalan amb una granda agilitat.

Pel leopard, l'arbre representa a l'encòp l'endrech ont se pausa, lo ponch d'ont va caçar e ont emmagazina son manjar. Es un animal exclusivament solitari levat pendent la sason de las amors (mai o mens 15 jorns per an). Lo periòde de gestacion es de 3 meses e mièg e la femèla pòt portar dos o tres pichòts. Lo còs del leopard l’ajuda per montar als arbres, amb sas patas fòrça desvolopadas e sos muscles potents. Quand lo leopard es confrontat a la concurréncia dels autres predators, a tendéncia a far montar sas victimas dins los arbres a l’abric dels caronhaires. Lo leopard es un animal eclectic dins son menut, se noirís de predas de talha mejana (antilòpas, gazelas, facochèrs, gnos), que tua per estrangulacion o per mossegadas. Es un mamifèr de la familha dels felids, es carnivòr, es un grand predator de la savana e de las selvas tropicalas e sornas d’Asia. Pòt viure fins a 12 ans dins la natura e 23 ans en captivitat.

Reproduccion

Los pichòts de la pantèra pesan entre 500 e 700 g, lo desmamatge se fa a 3 mes, mas atenhon lor maduretat sexuala entre 2 e 3 ans. Es un animal solitari, viu en coble sonque 6 o 7 jorns pendent que la femèla es en calor. 90 jorns après l’acoplament, la femèla dona naissença a 1 a 6 pichons.

Referéncias

↑ (2017) A revised taxonomy of the Felidae: The final report of the Cat Classification Task Force of the IUCN Cat Specialist Group, 73–75.
↑ ^2,0 et ^2,1 (2016) Leopard (Panthera pardus) status, distribution, and the research efforts across its range 4, e1974. DOI:10.7717/peerj.1974.
↑ ^3,0 et ^3,1 (2017) Population dynamics and threats to an apex predator outside protected areas: implications for carnivore management 4, 161090. DOI:10.1098/rsos.161090.

Ligams extèrnes

Referéncia Brainmuseum : Panthera pardus (en)
Panthera pardus dins Mammal Species of the World (MSW) (en)
Referéncia ITIS : Panthera pardus (Linnaeus, 1758) (fr) (+ version anglesa (en))
Referéncia Animal Diversity Web : Panthera pardus (en)
Referéncia NCBI : Panthera pardus (en)
Referéncia UICN : espècia Panthera pardus (Linnaeus, 1758) (en)
Referéncia CITES : espècia Panthera pardus (Linnaeus, 1758) (+ répartition) (sul site de l’UNEP-WCMC) (mescla francés e anglés)
Referéncia Fonses documentari ARKive : Panthera pardus orientalis (en)
Referéncia Fonses documentari ARKive : Panthera pardus nimr (en)
Un bèl especimèn de Leopard
The Last Anatolian Panther (en)
Fòtos de leopard (del Masai Mara Park) (fr)

[1] (2017) A revised taxonomy of the Felidae: The final report of the Cat Classification Task Force of the IUCN Cat Specialist Group, 73–75.

[Jacobson2016-2] 2,0 et ^2,1 (2016) Leopard (Panthera pardus) status, distribution, and the research efforts across its range 4, e1974. DOI:10.7717/peerj.1974.

[Williams2017-3] 3,0 et ^3,1 (2017) Population dynamics and threats to an apex predator outside protected areas: implications for carnivore management 4, 161090. DOI:10.1098/rsos.161090.

[1]

[2]

[3]