La Bamba
La Bamba es una vièlha cançon tradicionala mexicana cantada en espanhòu.
Venguda plan populara dins lo Monde entièr a partir de la segonda mitat del sègle 20en, La Bamba es estada plan sovent represa. Una de las primièras represas emblematicas de La Bamba foguèt la als Estats Units en version rock'n'roll de Ritchie Valens en 1958, e dins la seguida istorica d'aquesta, la per Los Lobos en 1987, vist que s'agissiá justament de la musica del filme La Bamba, un filme descrivent l'istòria de Ritchie Valens.
En Occitània, e quitament en França tota, foguèt puslèu lo grop parisenc latino Los Machucambos que la popularisèt dins sa version fòlc de caps 1960.
Lo plan popular tròç Twist and Shout dins los païses anglofòns es identificat coma una interpolacion de La Bamba, a manca d'èsser reconegut coma un plagiat.