Jusèp Amiell Solè

Un article de Wikipèdia, l'enciclopèdia liura.
Anar a : navigacion, Recercar

Jusèp Amiell Solè (Garòs, Arties e Garòs, Naut Aran, Val d'Aran, 18 d'abril de 1930) ei un sacerdòt e escrivan aranés.

Biografia[modificar | modificar la font]

Estudièc ath Seminari de La Seu d'Urgèl e siguec ordenat sacerdòt eth 1954[1]. A estat rector de Bossòst eth 1973 e de La Pobla de Segur eth 1977. Tradusic ar aranés eth Missau e eth 17 de gèr de 1979 dèc ara capèla deth Pater Noster de Jerusalèm, eth Pair Nòste en aranés. Posterioraments siguec director espirituau deth Seminari Diocesan e eth 1991 siguec nomentat rector de Vielha. Actuauments ei canonge deth Capítol Catedralici der Avescat d'Urgelh[2], eth prumèr aranés escuelhut entad aguest cargue dempús de 1805.

A participat actiuaments ara reviscolada dera cultura aranesa e a estat secretari dera Fondacion deth Musèu Etnologic dera Vau d'Aran, membre deth Patronat deth Musèu dera Vau d'Aran e cofundador dera revista Tèrra Aranesa[3]. Tanben a tradusit ar aranés eth Nau Testamènt (2010) e eth Libre dels Psalmes (2011) e a escrit Goigi de sants veneradi ena val.

Peth sòn trabalh de defensa e promocion der aranés, pera sua normalizacion lingüistica ena liturgia e era vida quotidiana, a arrecebut entre auti guerdons eth Prèmi Lengua Viua eth 2004, en junh 2010 era Medalha d'Aur deth Conselh Generau d'Aran e eth 2012 era Crotz de Sant Jordi[2].

Òbres[modificar | modificar la font]

  • Petit Missau Aranés (1978)
  • Crotzes e drapèus istoriques dera Val d'Aran
  • Nau Testament (2010)
  • Salms (2011)
  • Istòria dera Glèisa en Aran (2016)[4]

Referéncies[modificar | modificar la font]

  1. Pàgina der Avescat d'Urgelh
  2. 2,0 et 2,1 L'aranès Jusèp Amiell Solè, distingit amb la Creu de Sant Jordi
  3. La Creu de Sant Jordi 2012 a Jusèp Amiell Solé, autor de goigs en aranès
  4. Istòria dera Glèisa en Aran