Conselh Generau d'Aran

Un article de Wikipèdia, l'enciclopèdia liura.
Anar a : navigacion, Recercar
Bandèra oficiau d'Aran
Conselh Generau d'Aran

Eth Conselh Generau d'Aran ei era principau institucion de govèrn dera Val d'Aran. Ac formen eth Sindic, eth Plen e era Comission d’Auditors de Compdes. Constituís era estructura administrativa pròpia d'Aran restablida pera Lei 16/1990, de 13 de junhsèga, sus eth regim especiau dera Val d'Aran.

Competéncies[modificar | modificar la font]

Eth Conselh Generau a competéncia enes matèries que determinen era lei reguladora deth regim especiau e era rèsta de leis aprovades peth Parlament de Catalonha e es facultats qu’era lei li atribuís.

Eth Conselh Generau a competéncia plena en tot aquerò que hè referencia ath foment e ar ensenhament der aranés e dera sua cultura cossent damb es normes de caractèr generau vigentes en tota Catalonha en camp dera politica lingüistica e educativa.

Tanben a competéncies sus es matèries que seguissen:

  • Sanitat.
  • Servicis sociaus.
  • Torisme.
  • Proteccion, mantenença e administracion deth sòn auviatge istoric e artistic.
  • Proteccion dera natura, montanha e vies forestaus.
  • Agricultura, bestiar, pesca, caça e profitaments forestaus.
  • Sauvaments e escandiment de huecs.
  • Joenessa.
  • Léser e temps liure.
  • Espòrts.
  • Miei ambient.
  • Arremassatge e tractament de residus solids.
  • Salubritat publica.
  • Carretères locaus.
  • Transpòrt interior de viatgèrs.
  • Artesania.

Elegits[modificar | modificar la font]

Aran se dividís en sies circonscripcions, corresponentes as sies terçons istorics formats per Pujòlo, Arties e Garòs, Castièro, Marcatosa, Lairissa e Quate Lòcs.

Eth Conselh Generau ei integrat per tretze membres, despartits dera manèra que seguís[1]:

  • Arties e Garòs: 2 membres. Luis Carlos Medina Modroñ (CDA), Jose Antonio Buna Vilanova (PRAG).
  • Castièro: 4 membres. Carlos Barrera Sánchez (CDA), Rufino Martínez Cau (UA), Anna Diaz Morello (CDA), Juan Antonio Serrano Iglesas (UA).
  • Lairissa: 1 membre. Francisco Medan Juanmartí (CDA).
  • Marcatosa: 1 membre. Jose Enrique Arró Cuny (CDA).
  • Pujòlo: 2 membres. Marcos Viló Domínguez (CDA), Francisco Bruna Capel (UA).
  • Quate Lòcs: 3 membres. Francisco Boya Alós (UA), Eduardo Valdecantos Dedieu (CDA), Amador Marqués Atés (UA).

Eth Plen ei era amassada des conselhèrs generaus.

Resultats des eleccions ath Conselh Generau[modificar | modificar la font]

Majoritat en gras.

Eleccions de 2015[modificar | modificar la font]

Conselhèrs elejuts en 2015
CDA:7 UA:5 PRAG:1

As eleccions de 2015, sola CDA presente candidats en totes es terçons. UA es presente en 5 terçons, e dèishe sens candidat Arties e Garòs (feu deth PRAG). Lo PP ei present en cinc terçons (manca Pujòlo). Corròp ei present sonque en es Quate Lòcs.

Partit Vòtes Percentatge Conselhèrs
CDA 1 972 41,06% 7
Corròp 177 3,69 % 0
PP 178 3,71 % 0
PRAG 120 2,71 % 1
UA 2 193 45,66 % 5

Sindic elejut lo ?? de junh: Carles Barrera.

Eleccions de 2011[modificar | modificar la font]

Partit Vòtes Percentatge Conselhèrs
Convergéncia Democratica Aranesa 2 216 46,34% 7
Unitat d'Aran 1 965 41,09 % 5
Partit Renovador d'Arties-Garòs 129 2,70 % 1
Partit Popular 308 6,44 % 0

Sindic elejut lo 18 de junh: Carles Barrera.

Eleccions de 2007[modificar | modificar la font]

Partit Vòtes Percentatge Conselhèrs
Unitat d'Aran 2 198 46,13 % 6
Convergéncia Democratica Aranesa 2 030 42,60% 6
Partit Renovador d'Arties-Garòs 180 3,78 % 1
Partit Popular 225 4,72 % 0

Sindic elejut lo 18 de junh: Francés Boya.

Eleccions de 2003[modificar | modificar la font]

Partit Vòtes Percentatge Conselhèrs
Convergéncia Democratica Aranesa 2 183 45,06% 7
Unitat d'Aran 1 895 39,14 % 5
Partit Renovador d'Arties-Garòs 155 3,20 % 1
Partit Popular 192 3,97% 0

Ligams extèrnes[modificar | modificar la font]