Jordi Pujol
|
Jordi Pujol
| |
|---|---|
 | |
| Jordi Pujol | |
| Naissença | 9 de junh de 1930 Barcelona |
| País d'origina | Catalonha |
| Nacionalitat | |
| Profession | politician catalan e Doctor en medecina |
| Occupacion | |
| Luòc de trabalh | |
| Distincions | |
Jordi Pujol i Soley (Barcelona, 9 de junh de 1930) es un politician catalan que foguèt lo cap del partit Convergència Democràtica de Catalunya (CDC) de 1974 a 2003 e lo president de la Generalitat de Catalonha de 1980 a 2003.
Es Doctor en medecina de l'Universitat de Barcelona. Es maridat amb Marta Ferrusola dempuèi 1956. A 7 enfants.
Jordi Pujol foguèt arrestat en 1960 per sas activitats antifranquistas, e foguèt condamnat a sèt ans de preson, que ne faguèt dos e mièg a la preson de Saragossa e un de confinament dins la vila de Girona. Capitanegèt las campanhas contra lo director de la Vanguardia, Luis de Galinsoga, o los Fets del Palau e "Volem Bisbes Catalans". Un còp foguèt en libertat, tornèt a l'activitat politica, amb la tòca d'organizar un movement nacionalista catalan. Presidiguèt l'entitat financièra Banca Catalana que foguèt un centre de finançament d'activitats culturalas catalanas, coma lo grop Enciclopèdia Catalana, Òmnium Cultural o la librariá Ona.
En 1974 foguèt un dels fondaires de Convergència Democràtica de Catalunya, e ne foguèt causit Secretari General. Foguèt Conselhièr de la Generalitat de Catalonha del temps del President Josep Tarradellas.
Foguèt elegit president de la Generalitat de Catalonha en 1980, e tornarmai en 1984, 1988, 1992, 1995 e 1999. En 2003, quand acabava lo darrièr mandat, decidiguèt de se retirar de la primièra linha politica e de laissar la direccion del partit a Artur Mas.
| Precedit per | Jordi Pujol | Seguit per | |||
| Josep Tarradellas |
|
Pasqual Maragall |
Ligams extèrnes[modificar | modificar la font]
- Personalitat politica catalana
- Personalitat politica espanhòla de la Transicion democratica
- Personalitat politica espanhòla de l'epòca democratica
- Deputat de la província de Barcelona
- Deputat espanhòl de la legislatura constituenta
- Deputat espanhòl de la Ièra legislatura
- Legion d'Onor
- Naissença en 1930
- Naissença a Barcelona
- Membre de l'Òrdre Nacional de Quebèc
- Personalitat politica espanhòla
- President de la Generalitat de Catalonha